தமிழுக்கு வந்த தேசிய விருது பாடகி நஞ்சம்மா
'ஆதாம்' படத்தின் மூலம் மலையாள திரை உலகில் தடம் பதித்த இயக்குநர் சமர் இயக்கும் முதல் தமிழ் படம் 'சீன் நம்பர் 62'. நிக்கில் ராமச்சந்திரனின் பவன்புத்ரா பட தயாரிப்பு நிறுவனமும், வேணுஜி ராமின் நவமுகுந்தா புரொடக்ஷன்ஸ் நிறுவனமும் தயாரிக்கிறது. கோகிலா கோபால், கதிரவன், அமல் தேவ், ஜாய்ஸ், வி ஜே வைத்தி, ஐஸ்வர்யா நந்தன் ஆகியோர் முக்கிய வேடங்களில் நடிக்கின்றனர். ஜிகேவி இசை அமைக்கிறார்.
இந்த படத்தின் மூலம் தமிழுக்கு வருகிறார் தேசிய விருது பெற்ற பாடகி நஞ்சம்மா. சிவபிரகாசம் எழுதியுள்ள 'என் சேவல்' என்ற பாடலை பாடி உள்ளார். அவருடன் வேல்முருகன் இணைந்து பாடி உள்ளார். ஆங்கிலம் கலக்காமல் தமிழ் மட்டுமே பயன்படுத்தி முழு பாடலையும் எழுதியுள்ளார் சிவபிரகாசம். சென்னை, புதுச்சேரி, கொடைக்கானல், பொள்ளாச்சி மற்றும் கேரளாவில் படமாக்கப்பட்டுள்ளது. படத்தின் போஸ்ட் புரொடக்ஷன் பணிகள் தற்போது முழு வீச்சில் நடைபெற்று வருகின்றன.