ஸ்பேஸ் எக்ஸ், டெஸ்லா நிறுவனங்களின் உரிமையாளர் எலான் மஸ்க். கடந்த மாதம் டிவிட்டர் நிறுவனத்தை விலைக்கு வாங்கியது முதல் தினமும் எலான் மஸ்க் குறித்து ஏதாவது ஒரு செய்தி வந்தபடியே தான் உள்ளது.
டிவிட்டர் தனது வசமானதும் அதில் பல்வேறு மாற்றங்களை கொண்டு வரப்போவதாகவும் எலான் மஸ்க் ஏற்கனவே தெரிவித்திருந்தார். அந்த வகையில் பல்வேறு மாற்றங்கள் ட்விட்டர் நிறுவனத்தில் மேற்கொள்ளப்பட்டு வருகிறது.
குறிப்பாக, டிவிட்டர் ஊழியர்கள் பாதிக்கும் மேல் வேலையை விட்டு, நீக்கப்பட்டு உள்ளனர். அதிகாரப்பூர்வ கணக்கான ப்ளூ டிக்கை பயன்படுத்த மாதம் 8 டாலர் கட்டணம் வசூலிக்கப்படும் என எலான் மஸ்க் அறிவித்துள்ளார்.
ஆளுநர் ஆர்.என்.ரவி மாற்றம்?; தமிழக அரசியலில் பரபரப்பு!
ஆனால் வெரிஃபைட் அக்கவுண்ட்களுக்கு கட்டணம் செலுத்த வேண்டும் என எலான் மஸ்க் கூறிய பிறகு தான் போலி கணக்குகள் எண்ணிக்கை அதிகமாகி உள்ள தகவல்கள் ஒவ்வொன்றாக வெளியாகி வருகின்றன.
அந்தவகையில், சமீபத்தில் டிவிட்டர் நிறுவன உரிமையாளரான எலான் மஸ்க் பெயரிலேயே போலி கணக்கு உருவாக்கப்பட்டு இருந்தது. இந்நிலையில் தற்போது வெளியாகி இருக்கும் மற்றொரு டிவிட்டர் கணக்கு குறித்த தகவல் நெட்டிசன்கள் மத்தியில் லக..லக.. பொருளாக மாறி இருக்கிறது.
அதாவது கடந்த 9ம் தேதி இயேசு கிறிஸ்து என்ற பெயரில் உள்ள கணக்குக்கு ப்ளூ டிக் வழங்கப்பட்டு உள்ளது. இதை பார்த்த நெட்டிசன்கள் உலகத்தை மீட்க வந்த இரட்சகர் இயேசு நாதர் ப்ளூ டிக் பெற்றுள்ளார் என, சமூக வலைதளங்களில் மரண கலாய் செய்து வருகின்றனர்.
மோடி மின்னல் வேக சிக்னல்; அதிமுக பஞ்சாயத்து தீர்ந்தது?
அந்த டிவிட்டர் கணக்கின் ப்ரொஃபைலில், பெயர் Jesus Christ என்றும், அசல் பெயர் @jesus என்றும் குறிப்பிடப்பட்டுள்ளது. மேலும் பெயருக்கு அருகில், ‘தச்சர், குணம் அளிப்பவர், கடவுள்’ என, இயேசுவின் பண்புகள் குறிப்பிடப்பட்டு உள்ளன. இது பார்ப்பதற்கு வேடிக்கையாகவும், சுவாரசியமாகவும் இருப்பதாக இணைய வாசிகள் தெரிவிக்கின்றனர்.
இயேசு கிறிஸ்துவுக்கு ப்ளூ டிக் வழங்கப்பட்டதை அடுத்து பலரும், ‘போலி’ கணக்கு என்று கூறி வருகின்றனர். அதற்கு இயேசு கிறிஸ்து, ‘நான் போலியானவன் என்கின்ற சந்தேகம் எதற்கு?’ என, கேள்வி எழுப்பி இருப்பது பெரும் சர்ச்சையை கிளப்பி உள்ளது.