பொங்கல் பண்டிகையை முன்னிட்டு விஜய்யின் வாரிசு திரைப்படமும் அஜித்தின் துணிவு திரைப்படமும் வெளியானது. ஒன்பது ஆண்டுகளுக்கு பிறகு அஜித் மற்றும் விஜய் படங்கள் ஒரே தினத்தில் வெளியானதில் கோலிவுட் திரையுலகமே கொண்டாட்டத்தில் இருந்தது. கடைசியாக ஜில்லா மற்றும் வீரம் ஆகிய படங்கள் 2014 ஆம் ஆண்டு வெளியானது.
அதன் பிறகு தற்போது மீண்டும் விஜய் மற்றும் அஜித் படங்கள் வெளியானதால் ரசிகர்கள் முதல் திரைபிரபலங்கள் வரை அனைவரும் இந்த போட்டியை ஆவலாக எதிர்நோக்கி இருந்தனர் இந்நிலையில் வினோத் இயக்கத்தில் அஜித் நடிப்பில் வெளியான துணிவு திரைப்படம் ஆக்ஷன் திரில்லர் படமாக வெளியாகி ஒரு வகையான ரசிகர்களை ஈர்த்தது.
Thunivu: வினோத்தின் அடுத்த பட ஹீரோ இவரா ? செம ட்விஸ்ட்டா இருக்கே..!
அதே சமயத்தில் குடும்ப செண்டிமெண்ட் படமாக வெளியான வாரிசு திரைப்படம் ஒரு வகையான ரசிகர்களை ஈர்த்தது. சொல்லப்போனால் இரு படங்களும் கலவையான விமர்சனங்களையே பெற்ற நிலையில் படம் வெளியான ஒரு வாரத்தில் அஜித்தின் துணிவு படமே முன்னிலையில் இருந்தது.
அதன் பிறகு பொங்கல் விடுமுறையில் வாரிசு படத்திற்கு குடும்ப ரசிகர்களின் ஆதரவு பெருகியது. இதையடுத்து வாரிசு படத்தின் வசூல் அதிகரித்தது. இந்நிலையில் தமிழ்நாட்டில் இரு படங்களும் வெற்றிகரமாக ஓடிக்கொண்டிருக்க அண்டை மாநிலமான கேரளாவில் இரு படங்களும் நஷ்டத்தை சந்தித்து வருவதாக கூறப்படுகின்றது.
விஜய்யின் வாரிசு திரைப்படம் கிட்டத்தட்ட ஒரு கோடி வரை நஷ்டத்தை சந்தித்ததாகவும், அஜித்தின் துணிவு திரைப்படம் பத்து லட்சம் வரை நஷ்டத்தை சந்தித்துள்ளதாகவும் தகவல் வந்துள்ளது. அனால் படக்குழுவினரை பொறுத்தவரை இரு படங்களும் வசூல் ரீதியாக மிகப்பெரிய வெற்றியை பெற்றுள்ளதாகவே அறிவித்துள்ளனர் என்பது குறிப்பிடத்தக்கது.