ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதியின் நடிப்பில் மாரி செல்வராஜின் இயக்கத்தில் உருவான மாமன்னன் திரைப்படம் ஜூன் 29 ஆம் தேதி வெளியாகவுள்ளது. ரெட் ஜெயண்ட் நிறுவனம் சார்பாக உதயநிதியே இப்படத்தை தயாரிக்க ஏ.ஆர் ரஹ்மான் இப்படத்திற்கு இசையமைத்துள்ளார். மேலும் கீர்த்தி சுரேஷ் நாயகியாக நடித்துள்ள இப்படத்தில் ஃபஹத் ஃபாசில் முக்கியமான ரோலில் நடித்துள்ளார்.
இப்படத்திற்கு பிறகு
உதயநிதி
முழு நேர அரசியலில் ஈடுபட இருப்பதால் இப்படம் தான் அவரின் கடைசி படம் என அவரே அறிவித்துவிட்டார்.இதன் காரணமாகவே இப்படத்திற்கு மிகப்பெரிய எதிர்பார்ப்பு இருந்து வருகின்றது. அதுவும் உதயநிதி மற்றும் மாரி செல்வராஜின் கூட்டணி என்பதாலும், வடிவேலு இப்படத்தில் வித்யாசமான மாறுபட்ட நடிப்பை வெளிப்படுத்தியுள்ளார் என்பதாலும் படத்திற்கு உச்சகட்ட எதிர்பார்ப்பு இருந்து வருகின்றது.
Keerthy suresh: என்னோட புருஷன் மாதிரி அவர் பேசிகிட்டு இருந்தாரு..ஷாக்கான கீர்த்தி சுரேஷ்..!
அந்த எதிர்பார்ப்பை இப்படத்தின் ட்ரைலர் மேலும் கூட்டியுள்ளது என்றே சொல்லலாம். சமீபத்தில் நடைபெற்ற மாமன்னன் இசை வெளியீட்டு விழாவில் கமலின் முன்னிலையில் தேவர்மகன் படத்தை மாரி செல்வராஜ் விமர்சித்து பேசியது பெரும் பரபரப்பை ஏற்படுத்தியுள்ளது. இதெல்லாம் மாமன்னன் படத்தின் மீதான ஹைப்பை மேலும் ஏற்றியுள்ளது என்றுதான் சொல்ல வேண்டும்.
வெளியான முதல் விமர்சனம்
இந்நிலையில் உலகநாயகன் கமல்ஹாசன் இப்படத்தை பார்த்துவிட்டு மாரி செல்வராஜை பாராட்டியதாக சமீபத்தில் ஒரு தகவல் வெளியானது. இதையடுத்து தற்போது இப்படத்தை சிலருக்கு படக்குழு போட்டு காட்டியதாகவும், அவர்கள் படத்தை பாராட்டி பேசியதாகவும் தகவல்கள் வருகின்றன.
அதாவது படத்தில் வடிவேலு தூணாக இருந்து நடித்துள்ளதாகவும், மற்ற நடிகர்கள் அனைவரும் தங்களின் நடிப்பு திறனை முழுமையாக வெளிப்படுத்தி நடித்துள்ளதாகவும் தகவல்கள் வருகின்றன.படத்தின் கதை என்னவென்றால், வடிவேலுவின் மகன் தான் உதயநிதி, தந்தை உடன் ஏற்பட்ட சிறு மனஸ்தாபம் காரணமாக உதயநிதி வடிவேலுவை விட்டு விலகி சென்றதாக கூறப்படுகின்றது.
பாராட்டை பெரும் மாமன்னன்
மேலும் வடிவேலுவுக்கு சிலரால் பிரச்சனைஏற்பட மீண்டும் உதயநிதி வடிவேலுவுடன் இணைந்து அந்த பிரச்சனைக்காக போராடுகிறார் என்பது போன்றும் கதைக்களம் இருப்பதாக தகவல்கள் வருகின்றன. இந்நிலையில் பரியேறும் பெருமாள்,கர்ணன் படங்களை போல மாமன்னன் படத்தையும் ஒரு அழுத்தமான படமாக மாரி செல்வராஜ் கொடுத்துள்ளதாக விமர்சனங்கள் வருகின்றன. எனவே இப்படம் உதயநிதிக்கு ஒரு வெற்றிப்படமாக அமையும் என எதிர்பார்க்கப்படுவது குறிப்பிடத்தக்கது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்