ரெடியான ஜெயிலர்நெல்சனின் இயக்கத்தில் சூப்பர்ஸ்டார் ரஜினி நடிப்பில் கடந்தாண்டு ஆகஸ்ட் மாதம் ஜெயிலர் படத்தின் படப்பிடிப்பு துவங்கியது. சன் பிக்சர்ஸ் தயாரிப்பில் அனிருத்தின் இசையில் உருவான இப்படத்தில் மோகன்லால் , ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நட்சத்திரங்கள் பலரும் நடித்து வருகின்றனர். இதன் காரணமாக ஜெயிலர் திரைப்படம் ஒரு பான் இந்திய படமாக உருவானது. இதையடுத்து தற்போது ஒட்டுமொத்த படப்பிடிப்பும் முடிவடைந்து போஸ்ட் ப்ரொடக்ஷன் வேலைகள் தீவிரமாக நடைபெற்று வரும் நிலையில் இப்படம் ஆகஸ்ட் மாதம் 10 ஆம் தேதி திரையில் வெளியாக இருக்கின்றது
காவாலா பாடல்ஜெயிலர் திரைப்படம் வெளியாக இன்னும் ஒரு மாதமே இருக்கும் நிலையில் இப்படத்தில் இருந்து காவாலா என்ற பாடல் சில நாட்களுக்கு முன்பு வெளியானது. இதை அறிவிக்க நெல்சன் தனது ஸ்டைலில் ஒரு ப்ரோமோ வீடியோ ஒன்றையும் வெளியிட்டார். அந்த வீடியோ செம வைரலான நிலையில் காவாலா பாடல் சில தினங்களுக்கு முன்பு வெளியாகி ரசிகர்கள் மத்தியில் நல்ல வரவேற்பை பெற்று வருகின்றது. தமன்னாவின் அசத்தலான நடனம், அனிருத்தின் துள்ளலான இசை என காவாலா பாடலில் பல சிறப்பான விஷயங்கள் இடம்பெற்றன. என்னதான் இப்பாடலில் ரஜினி ஒரு சில ஷாட்களில் மட்டுமே வந்தாலும் ரசிகர்களிடம் தாக்கத்தை ஏற்படுத்தினார். இந்நிலையில் தற்போது காவாலா பாடல் யூடியூபில் பல சாதனைகளை செய்து வருகின்றது
விமர்சனம்இந்நிலையில் காவாலா பாடல் ஒருபக்கம் வரவேற்பை பெற்றுவரும் நிலையில் மறுபக்கம் கடுமையான விமர்சனங்களையும் பெற்று வருகின்றது. ஒரு சூப்பர்ஸ்டார் நடிக்கும் படத்திலிருந்து வெளியாகும் முதல் பாடல் நாயகியை மையமாக வைத்து வெளியானது பலருக்கும் அதிர்ச்சியாக இருந்தது. மேலும் இப்பாடல் என்னதான் நன்றாக இருந்தாலும் தலைவர் படத்தில் ஐட்டம் பாடல் இடம்பெற்றதையும் சில ரசிகர்கள் விமர்சித்து வருகின்றனர். மேலும் காவாலா பாடலை விமர்சித்து சில மீம்ஸ்களும் வந்த வண்ணம் இருக்கின்றன
தலைவரின் பதிலடிஇந்நிலையில் காவாலா பாடலுக்கு எழுந்த விமர்சனங்களுக்கு தலைவர் தரமான பதிலடி ஒன்றை கொடுத்துள்ளார். காவாலா பாடல் வெளியான ஒரு மணி நேரத்திலேயே இப்பாடல் ஒரு மில்லியன் பார்வையாளர்களை கடந்து சாதனை படைத்தது. மேலும் இப்பாடலுக்கு ஒருபக்கம் விமர்சனங்கள் வந்தாலும் மறுபக்கம் அமோகமான வரவேற்பு இருந்து வருகின்றது. எனவே தம்மனாவின் பாடலுக்கு இந்த வரவேற்பு என்றால் அடுத்ததாக வெளியாகவுள்ள ரஜினியின் பாடலுக்கு எதிர்பார்ப்பு பலமடங்கு இருக்கும். எனவே காவலா பாடலை காட்டிலும் அடுத்ததாக வெளியாக இருக்கும் பாடல் யூடியூபில் பல சாதனைகளை முறியடிக்கும். ரஜினி இதன் மூலம் காவாலா பாடலுக்கு எழுந்த விமர்சனங்களுக்கு பதிலடி கொடுத்துள்ளார் என்பது குறிப்பிடத்தக்கது