ரஜினியின் ஜெயிலர் திரைப்படம் நாளை திரையில் வெளியாகவுள்ளது. நாளை இந்நேரம் ஜெயிலர் திரைப்படத்தின் ரிசல்ட் தெரிந்துவிடும். எந்திரன் படத்திற்கு பிறகு சரியான ஒரு வெற்றி கிடைக்காமல் இருந்து வந்த ரஜினிக்கு இப்படம் எதிர்பார்த்த வெற்றியை தேடி தரும் என்பதே பலரது எதிர்பார்ப்பாக இருக்கின்றது.
ஜெயிலர் படத்தின் படப்பிடிப்பு கடந்தாண்டு ஆகஸ்ட் மாதம் துவங்கப்பட்டது. இப்படத்தின் படப்பிடிப்பு துவங்கியதில் இருந்தே இப்படத்தை பற்றிய பாசிட்டிவான விஷயங்களே கோலிவுட் வட்டாரத்தில் உலா வந்தன. மேலும் படத்தின் பாடல்கள், போஸ்டர்ஸ், படத்தின் ட்ரைலர் என அனைத்தும் ரசிகர்களின் அமோகமான வரவேற்பை பெற இப்படத்திற்கு எதிர்பார்ப்பு கூடிக்கொண்டே சென்றது.
ஜெயிலர் ரிலீஸ்
இதையடுத்து கடந்த வாரம் ஜெயிலர் படத்தின் இசை வெளியீட்டு விழா சென்னையில் மிகப்பிரமாண்டமான முறையில் நடைபெற்றது. இவ்விழாவில் ரஜினி பேசிய விஷயங்கள் இணையத்தில் செம வைரலானது. மேலும் ரஜினி பேசும்போதே அவருக்கு ஜெயிலர் படத்தின் மீது அதீத நம்பிக்கை இருப்பதாக பலர் பேசி வருகின்றனர்.
Nelson: ஜெயிலர் படத்திற்காக நெல்சன் வாங்கிய சம்பளம் எவ்வளவு தெரியுமா ?
இந்நிலையில் ஜெயிலர் திரைப்படம் நாளை வெளியாகவுள்ள நிலையில் இன்று ரஜினி இமயமலைக்கு சென்றுள்ளார். கடந்த நான்கு ஆண்டுகளாக ரஜினி கொரோனா காரணமாக இமயமலைக்கு செல்லாமல் இருந்து வந்த நிலையில் தற்போது நீண்ட நாட்களுக்கு பிறகு சென்றுள்ளார்.
சிவகார்த்திகேயனுக்கு போன் செய்த ரஜினி
இதைத்தொடர்ந்து ரஜினி ஒரு படத்தின் வெளியீட்டிற்கு முன்னர் இமயமலைக்கு சென்றால் அப்படம் கண்டிப்பாக வெற்றிபெறும் என்ற ராசி இருப்பதால் ஜெயிலர் திரைப்படமும் மிகப்பெரிய வெற்றியை பெரும் என பேசி வருகின்றனர். இவ்வாறு இருக்கும் நிலையில் ரஜினி நடிகர் சிவகார்த்திகேயனுக்கு போன் செய்துள்ளார். சிவகார்த்திகேயனின் மாவீரன் படத்தை பார்த்த ரஜினிக்கு அப்படம் மிகவும் பிடித்துப்போகவே சிவகார்த்திகேயனுக்கு போன் செய்து பாராட்டியுள்ளார் ரஜினி.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதனை சிவகார்த்திகேயன் ஒரு வீடியோவின் மூலம் பகிர்ந்துள்ளார். இந்நிலையில் என்னதான் ரஜினியின் ஜெயிலர் திரைப்படம் நாளை வெளியாக இருந்தாலும் அடுத்தடுத்த படங்களில் பிசியாக இருந்து வந்தாலும் ரஜினி மற்ற ஹீரோக்களின் படங்களை பார்த்து அவர்களை பாராட்டி வருகின்றார்.இந்த செயலை பார்த்து ஒட்டுமொத்த தமிழ் திரையுலகமே ரஜினியை புகழ்ந்து வருகின்றனர் என்பது குறிப்பிடத்தக்கது.