திருவண்ணாமலை, சேலம், ஈரோடு உட்பட தமிழகத்தின் பல்வேறு மாவட்டங்களிலும் பலத்த மழை பெய்து வருகிறது.
மாலை நேரங்களில் மழைதமிழகத்தின் பல்வேறு இடங்களில் கடந்த சில நாட்களாக அவ்வப்போது மழை பெய்து வருகிறது. குறிப்பாக மாலை நேரங்களில் பலத்த காற்றுடன் இடி மின்னல் என வெளுத்து வருகிறது. இதனால் பகல் நேரங்களில் சுட்டெரிக்கும் வெப்பத்தின் தாக்கம் மாலை நேரங்களில் தணிந்து வருகிறது.தமிழகம் முழுவதும்தென் தமிழகத்தின் பல்வேறு பகுதிகள் மற்றும் டெல்டா மாவட்டங்கள் மற்றும் விழுப்பும், வேலூர், திருப்பத்தூர், காஞ்சிபுரம், திருவள்ளூர், செங்கல்பட்டு, சென்னை என வட தமிழகத்தின் பல்வேறு மாவட்டங்களிலும் நல்ல மழை பெய்து வருகிறது. சென்னையை பொருத்தவரை மாலை மற்றும் இரவு நேரங்களில் மழை பெய்து வருகிறது.
பிற்பகலில் இருந்து மழை
தமிழக பகுதிகளின் மேல் நிலவும் வளிமண்டல கீழடுக்கு சுழற்சியே இந்த மழைக்கு காரணம் என கூறப்படுகிறது. இந்நிலையில் இன்று 14 மாவட்டங்களில் கன மழை பெய்ய வாய்ப்பு இருப்பதாக வானிலை ஆய்வு மையம் தெரிவித்தது. அதன்படியே இன்று பிற்பகல் முதல் தமிழகத்தின் பல்வேறு பகுதிகளில் பலத்த மழை பெய்து வருகிறது.
கொட்டும் கனமழைதிருவண்ணாமலை, சேலம், ஈரோடு, தருமபுரி, தேனி, உள்ளிட்ட மாவட்டங்களில் பல்வேறு இடங்களில் பரவலாக நல்லமழை பெய்து வருகிறது. திருவண்ணாமலை மாவட்டம், கீழ்பெண்ணாத்தூர், வேட்டவலம், செங்கம் உள்ளிட்ட பகுதிகளில் கனமழை பெய்து வருகிறது. இந்த திடீர் மழையால் மக்கள் மகிழ்ச்சி அடைந்துள்ளனர்.
தமிழ்நாடு வெதர்மேன்
இதனிடையே தனியார் வானிலை ஆர்வலரான தமிழ்நாடு வெதர்மேன் பிரதீப் ஜானும் தனது டிவீட்டர் பக்கத்தில் பதிவிட்டுள்ளார். அதில் கடந்த 2 நாட்களாக தமிழகத்திற்கு மேஜிக் போல் மழை கிடைத்தது என்றும், இன்றும் கிட்டத்தட்ட 90% மாவட்டங்களில் மழை பெய்யும் என்றும் தெரிவித்துள்ளார்.
சென்னையிலும் மழைமேலும் சில இடங்களில் கனமழை பெய்யும் என்றும் கூறியுள்ளார். குறிப்பாக திருச்சி, பெரம்பலூர், சேலம், அரியலூர், மதுரை, திருவண்ணாமலை, கள்ளக்குறிச்சி, விழுப்புரம் உள்ளிட்ட மாவட்டங்களில் மழை பெய்யும் என்றும் தமிழ்நாடு வெதர்மேன் தெரிவித்துள்ளார். தூத்துக்குடியில் கூட மழை பெய்யும், இதில் சென்னையும் சேரும் என்றும் தமிழ் நாடு வெதர்மேன் தனது டிவீட்டர் பதிவில் தெரிவித்துள்ளார்.
வெதர்மேன் டிவீட்