New Smartphones: மார்ச் மாதம் பிறந்துவிட்டது. சந்தைகளில் சிற்சில மாற்றங்களும் நிகழ்ந்திருக்கும். அதேபோல், ஸ்மார்ட்போன் சந்தையிலும் பல்வேறு பொருள்கள் இந்த மார்ச் மாதத்தில் விற்பனைக்கு வர இருக்கின்றன. ஒவ்வொரு மாதமும் பல ஸ்மார்ட்போன்கள் உலகளவில் அறிமுகமாகிக் கொண்டுதான் இருக்கின்றன. முன்னணி நிறுவனங்கள் அதன் ஒவ்வொரு மாடல்களையும் அதற்கேற்ற சீசன்களில் வெளியிடுவதை வாடிக்கையாக வைத்திருக்கின்றன.
சிலர் புதிய ஸ்மார்ட்போனை வாங்க வேண்டும் என திட்டமிட்டிருப்பார்கள். ஒரு சிலரோ இந்த மாதம் வெளியாகும் மொபைல்களை எதிர்நோக்கி காத்திருந்து அது ஏற்றதாக இருக்கும்பட்சத்தில் அதனை வாங்க முனைவார்கள். இதனாலேயே புதிய மொபைல்களை, இன்று ரிலீஸான புது படங்களுக்கு விமர்சனம் சொல்வது போன்று யூ-ட்யூபில் பல சேனல்கள் புதிய மொபைல்களை அக்கக்காக பிரித்துக் கூறி வீடியோ வெளியிட்டு வருகின்றனர். அந்த வகையில், இந்த மார்ச் மாதத்தில் இந்திய சந்தையில் என்ட்ரி கொடுக்கப் போகும் ஸ்மார்ட்போன்கள் குறித்து இங்கு தெரிந்துகொள்ளலாம்.
Realme 12 Plus
Realme 12 Plus ஸ்மார்ட்போன் வரும் மார்ச் 6ஆம் தேதி அறிமுகப்படுத்தப்பட உள்ளது. இது MediaTek Dimensity 7050 சிப் உடனும், 120Hz புதுப்பிப்பு வீதத்துடன் கூடிய AMOLED டிஸ்பிளே உடன் வரும் என எதிர்பார்க்கப்படுகிறது. இதில், பாஸ்ட் சார்ஜிங் வசதி இருக்கும் என கூறப்படுகிறது. அதேபோல், பச்சை மற்றும் கோல்டன் நிறத்தில் ஸ்மார்ட்போன் என தெரிவிக்கப்படுகிறது.
Vivo V30 Series
Vivo நிறுவனத்தின் V30 சீரிஸ் இரண்டு வேரியண்டில் மார்ச் 7ஆம் தேதி வெளியாகிறது. Vivo V30 மற்றும் Vivo V30 Pro என இரண்டு வேரியண்டில் வருகிறது. V30 மாடல் Snapdragon 7 Gen 3 சிப் உடன் இந்த ஸ்மார்ட்போன் வருகிறது. குறிப்பாக, இதில் பெரிய பேட்டரி, பாஸ்ட் சார்ஜிங் ஆப்ஷனுடன் வருகிறது. குறிப்பாக, 6.78 இன்ச் டிஸ்பிளே 120Hz புதுப்பிப்பு வீதத்துடன் வருகிறது. கேமராவும் அசத்தலாக உள்ளது. MediaTek Dimensity 8200 சிப் மற்றும் உயர்தர AMOLED டிஸ்ப்ளே உடன் Vivo V30 Pro மொபைல் வருகிறது.
Nothing Phone 2a
வரும் மார்ச் 5ஆம் தேதி Nothing Phone 2a மொபைல் அறிமுகமாக உள்ளது. இதில் இரண்டு கேமரா அமைப்பு இருக்கும். இதில் MediaTek Dimensity 7200 Pro சிப் உடன் வருகிறது. 12ஜிபி RAM உடன் வருகிறது. 6.7 இன்ச் OLED டிஸ்பிளே உடன் வருகிறது. 5000mAh பேட்டரி உடன் பாஸ்ட் சார்ஜிங் வசதியுடன் வருகிறது.
Xiaomi 14
மார்ச் 7ஆம் தேதி அன்று அமேசானில் Xiaomi 14 மொபைல் அறிமுகமாக உள்ளது. 6.36 இன்ச் ஹை-ரெஸ்சோல்யூஷன் OLED டிஸ்பிளே 120Hz புதுப்பிப்பு வீதத்துடன் வருகிறது. இதில் 50MP மூன்று கேமரா அமைப்புடன் வருகிறது. முன்புற செல்ஃபி கேமரா 32MP உடன் வருகிறது.