ஹாலிவுட்டில் ரீ-மேக் ஆகிறது ‛த்ரிஷ்யம்'
ஜீத்து ஜோசப் இயக்கத்தில் மோகன்லால், மீனா நடிப்பில் 2013ல் மலையாளத்தில் வெளியான படம் ‛த்ரிஷ்யம்'. சூப்பர் ஹிட்டான இந்தப்படம் தமிழ், தெலுங்கு, கன்னடம், ஹிந்தி மொழிகளில் ரீ-மேக் ஆனது. சிங்களம், சீனா உள்ளிட்ட சில வெளிநாட்டு மொழிகளிலும் இந்தப்படம் ரீ-மேக் செய்யப்பட்டது. தொடர்ந்து இதன் இரண்டாம் பாகமும் மலையாளத்தில் வெளியாகி வரவேற்பை பெற்றது. தெலுங்கு, ஹிந்தியிலும் ரீ-மேக் ஆனது.
இந்நிலையில் த்ரிஷ்யம் படத்தின் இரண்டு பாகங்களும் ஹாலிவுட்டில் ரீ-மேக் ஆக உள்ளது. இந்தப்படத்தின் இந்திய மொழிகள் அல்லாத பிறமொழிக்கான ரீ-மேக்கை பனோரமா ஸ்டூடியோஸ் பெற்றுள்ளது. முதற்கட்டமாக ஆங்கிலம், கொரிய மொழிகளில் இந்த படத்தை ரீ-மேக் செய்ய திட்டமிட்டுள்ளனர். தற்போது நடிகர்கள் தேர்வு நடக்கிறதாம். விரைவில் படம் பற்றிய அறிவிப்பு வெளியாகும் என எதிர்பார்க்கப்படுகிறது.