பொருளாதார நிர்வாகத் திறமையின்மையால் நாட்டை பொருளாதார சீரழிவிற்கு கொண்டு சென்றுவிட்டார் என்று
பாகிஸ்தான்
பிரதமராக இருந்த
இம்ரான் கான்
மீது எதிர்க்கட்சிகள் குற்றம் சாட்டின. மேலும், அவர் பதவி விலக வேண்டும் என்ற கோரிக்கைகளும் வலுப்பெற்றன.
இதனிடையே, பாகிஸ்தான் எதிர்க்கட்சிகள் அந்நாட்டு நாடாளுமன்றத்தில் இம்ரான் கான் அரசு மீது கடந்த மாதம் 28ஆம் தேதி நம்பிக்கையில்லா தீர்மானத்தை கொண்டு வந்தனர். ஆனால், எதிர்க்கட்சிகள் கொண்டு வந்த நம்பிக்கை இல்லாத் தீர்மானத்தை ரத்து செய்வதாக நாடாளுமன்ற துணை சபாநாயகர் காசிம் சூரி அறிவித்தார். இதையடுத்து, அதன் தொடர்ச்சியாக, இம்ரான் கானின் பரிந்துரையை ஏற்று நாடாளுமன்றம் கலைக்கப்படுவதாக அதிபர் ஆரிப் ஆல்வி உடனடியாக அறிவித்தார்.
இதனை எதிர்த்து அந்நாட்டு எதிர்க்கட்சிகள் உச்ச நீதிமன்றம் சென்றன. வழக்கை விசாரித்த நீதிமன்றம், நாடாளுமன்றத்தை அதிபர் கலைத்தது செல்லாது எனவும் இம்ரான்கான் அரசு மீது கொண்டுவரப்பட்ட நம்பிக்கையில்லா தீர்மானத்தின் மீது வாக்கெடுப்பு நடத்தப்பட வேண்டும் எனவும் உத்தரவிட்டது. அதன்படி, நடைபெற்ற வாக்கெடுப்பில் இம்ரான் கான் அரசு கவிழ்ந்தது. இதையடுத்து, அந்நாட்டின் புதிய பிரதமராக பாகிஸ்தான் முஸ்லிம் லீக் (என்) கட்சியின் தலைவர் ஷெபாஸ் ஷெரீப் தேர்ந்தெடுக்கப்பட்டுள்ளார்.
ஃபர்ஸ்ட் லேடி கமலா ஹாரிஸ்: ஜோ பைடனை கலாய்த்த சவுதி டி.வி. சேனல்!
இந்த நிலையில், பெஷாவரில் பொதுக்கூட்டம் ஒன்றில் ஒன்றில் இம்ரான் கான் உரையாற்றினார். அப்போது பேசிய அவர், நான் பிரதமராக இருந்த போது ஆபத்தானாவனாக இல்லை. ஆனால், தற்போது மிகவும் ஆபத்தானவனாக மாறியுள்ளதாக தெரிவித்தார்.
பாகிஸ்தான் நாடாளுமன்றத்தில் நம்பிக்கையில்லா தீர்மானம் மீது வாக்கெடுப்பு நடைபெறும் முன்பாக நள்ளிரவில் நீதிமன்றம் திறக்கப்பட்டது ஏன். என்னை இந்த நாட்டுக்கு 45 ஆண்டுகளாக தெரியும். நான் ஏதேனும் சட்டத்திற்கு புறம்பானதை செய்து விட்டேனா என சரமாரிக் கேள்விகளையும் அப்போது இம்ரான் கான் எழுப்பினார்.
மேலும், இறக்குமதி செய்யப்பட்ட அரசாங்கத்தை நாங்கள் ஏற்றுக்கொள்ள மாட்டோம் என தெரிவித்த அவர், இந்த நடவடிக்கைக்கு எதிராக போராட்டங்கள் நடத்தி மக்கள் தாங்கள் விரும்பியதை வெளிப்படுத்தலாம் என்றும் அழைப்பு விடுத்தார். முன்னதாக, தமது அரசை கவிழ்க்க வெளிநாட்டு சதி நடைபெறுவதாகவும் இம்ரான் கான் குற்றம் சாட்டியிருந்தார் என்பது குறிப்பிடத்தக்கது.