ரஜினி, மம்முட்டி, மோகன்லால், ஆமீர்கான் வீடுகளில் தேசிய கொடி ஏற்றம்
இந்திய திருநாட்டின் 75ம் ஆண்டு சுதந்திர தின கொண்டாட்டம் நாடு முழுக்க களை கட்டி உள்ளது. இதை விமரிசையாக கொண்டாடும் விதமாக நாடு முழுக்க ஆக., 13 முதல் 15 தேதி வரை ஒவ்வொருவரின் வீடுகளிலும் தேசிய கொடியை ஏற்றுங்கள் என பிரதமர் மோடி வேண்டுகோள் விடுத்திருந்தார். அதன்படி நாடு முழுக்க பலரும் தங்களது நாட்டுப்பற்றை வெளிப்படுத்த தங்களின் வீடுகளில் கொடியேற்றி உள்ளனர். திரைப்பிரபலங்கள் பலரும் தங்களது இல்லங்களில் கொடியேற்றி உள்ளனர்.
தமிழ் சினிமாவில் நடிகர் ரஜினிகாந்த் வீட்டு முன்பு தேசிய கொடி ஏற்றப்பட்டுள்ளது. அதேப்போன்று பனையூரில் உள்ள விஜய்யின் மக்கள் இயக்கம் அலுவலகத்திலும் தேசிய கொடி ஏற்றப்பட்டுள்ளது. இதேப்போன்று மலையாள நடிகர்களான மோகன்லால், மம்முட்டி ஆகியோரும் தங்களது இல்லங்களில் தேசிய கொடி ஏற்றி உள்ளனர்.
ஹிந்தி நடிகர் ஆமீர்கான் தனது வீட்டின் பால்கனியில் தேசிய கொடியை பறக்க விட்டுள்ளார். காஷ்மீர் பைல்ஸ் பட புகழ் இயக்குனர் விவேக் அக்னி ஹோத்ரியும் தனது இல்லத்தில் தேசிய கொடியை பறக்க விட்டு அந்த வீடியோவை பகிர்ந்துள்ளார்.