கிரிக்கெட் வீரரை மணந்த பாலிவுட் நடிகை அதியா ஷெட்டி
பிரபல பாலிவுட் நடிகர் சுனில் ஷெட்டியின் மகள் அதியா ஷெட்டி. ஹீரோ படத்தில் அறிமுகமான இவர் அதன் பிறகு முபர்கான், நவாப்ஸாடே, மோட்டிச்சூர் சிக்கந்சூர் உள்ளிட்ட சில படங்களில் நடித்தார். கடந்த சில வருடங்களாக படங்களில் நடிக்கவில்லை. என்றாலும் இந்திய கிரிக்கெட் அணியின் நட்சத்திர வீரர் கே.எல்.ராகுலை தீவிரமாக காதலித்து வந்தார். இதனை வெளிப்படையாக அறிவிக்கவில்லை. இந்த நிலையில் இருவரும் திருமணம் செய்து கொண்டிருக்கிறார்கள்.
மகாராஷ்டிராவில் தற்போது நடைபெற்று வரும் நியூஸிலாந்து அணிக்கு எதிரான ஒருநாள் தொடரில் ராகுலுக்கு ஓய்வு கொடுக்கப்பட்டது. அதை பயன்படுத்தி தனது திருமணத்தை அவர் நடத்தியுள்ளார். அதியா ஷெட்டியின் பண்ணை வீட்டில் நடந்த இந்த நிகழ்ச்சியில் ராகுல் மற்றும் அதியா ஷெட்டி குடும்பத்தினர், உறவினர்கள், நெருங்கிய நண்பர்கள் மட்டுமே கலந்து கொண்டனர். வரவேற்பு நிகழ்ச்சி விரைவில் மும்பையில் உள்ள நட்சத்திர ஓட்டலில் நடக்க இருக்கிறது. இருவருக்கும் வாழ்த்துகள் குவிந்து வருகிறது.