உலகளவில் ஸ்மார்ட் வாட்ச் பயன்பாடு மற்றும் தொழில்நுட்பம் வளர்ச்சி அடைந்துள்ள நிலையில் புதிய வகை தொழில்நுட்பமாக ப்ரொஜெக்டர் வசதி ஒன்றை சாம்சங் நிறுவனம் அதன் Galaxy Smartwatch சீரிஸ் 5 மூலம் அறிமுகம் செய்யவுள்ளது.
இந்த ப்ரொஜெக்டர் என்பது பொதுவாக நாம் சுவர்களில் பயன்படுத்தும் ப்ரொஜெக்டர் போல இல்லாமல் நமது கைகளின் மணிகட்டுகளில் தெரியும் ப்ரொஜெக்டர் அமைப்பாக இருக்கும். கைகளில் தெரியும் வகையில் இந்த ப்ரொஜெக்டர் இருக்கும். இதில் நாம் நேரம், ஹார்ட் ரேட் போன்ற விவரங்களை எல்லாம் ப்ரொஜெக்டர் மூலமாக பார்க்கலாம்.
இந்த ப்ரொஜெக்டர் வசதி பல முக்கியமான நேரங்களில் நமக்கு மிகவும் உதவிகரமாக இருக்கும் வகையில் இருக்கும். உதாரணமாக நாம் ஏதாவது வீடியோ அல்லது காலிங் பேசும்போது தொடர்ந்து அதிக நேரம் நம்மால் கைகளை உயர்த்தி கொண்டிருக்கமுடியாது. நமது கைகள் வலிக்க ஆரம்பித்துவிடும்.
அப்போது இந்த ப்ரொஜெக்டர் வசதி இருந்தால் நமக்கு மிகவும் உதவிகரமாக இருக்கும். இப்போது Patent மட்டுமே பதிவு செய்துள்ளது. இதனால் இந்த வகை ப்ரொஜெக்டர் வாட்ச் உறுதியாக கூறமுடியாது.
எப்படி இந்த ப்ரொஜெக்டர் வாட்ச் வேலை செய்யும்?
இந்த சாம்சங் Galaxy ஸ்மார்ட் வாட்சில் இருக்கும் ப்ரொஜெக்டர் பகுதி பலவகை சென்சார் மற்றும் LED வசதிகளுடன் இருக்கும். இதனால் பயனர்களின் கைகளில் ஸ்மார்ட் வாட்ச் விவரங்கள் ப்ராஜெக்ட் செய்யப்படும்.
இந்த LED மூலமாக நம்மால் அதன் ஒளிர்வு அளவு கட்டுப்படுத்தமுடியும். இந்த வாட்ச் எப்போது வெளியாகும் என்று தெரியவில்லை. ஆனால் இதுபற்றிய விவரங்கள் இன்னும் சில மாதங்களில் வெளியாகும்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்