எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தம்பி தனுஷை வைத்து செல்வராகவன் இயக்கிய காதல் கொண்டேன் படம் மூலம் தமிழ் திரையுலகில் அறிமுகமானவர் சோனியா அகர்வால். முதல் படத்திலேயே நடிப்பில் வெளுத்து வாங்குறாரே யாருய்யா இந்த பொண்ணு என ரசிகர்கள் வியந்தார்கள்.
செல்வராகவனின் இயக்கத்தில் 7ஜி ரெயின்போ காலனி, புதுப்பேட்டை ஆகிய படங்களில் நடித்தார் சோனியா அகர்வால். இந்நிலையில் செல்வராகவன், சோனியா அகர்வால் இடையே காதல் ஏற்பட்டு கடந்த 2006ம் ஆண்டு திருமணம் செய்து கொண்டார்கள்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
திருமணத்திற்கு பிறகு படங்களில் நடிப்பதை நிறுத்தினார் சோனியா அகர்வால். செல்வராகவன், சோனியா இடையே பிரச்சனை ஏற்பட்டு விவாகரத்து பெறுவது என்று முடிவு செய்தார்கள்.
இது குறித்து அறிந்த ரஜினிகாந்தோ, செல்வராகவன், சோனியா அகர்வால் பிரியாமல் இருக்க எவ்வளவோ முயற்சி செய்தார். விவாகரத்து முடிவை கைவிடுங்கள் என்று ரஜினி இருவரிடமும் சொல்லிப் பார்த்தும் அவர்கள் கேட்கவில்லை.
Dhanush: அதிரடி முடிவு எடுத்த தனுஷ்: அதுக்கு ஐஸ்வர்யா ஒத்துக்குவாரா?
அது தான் ரஜினிக்கு கிடைத்த முதல் தோல்வி. சோனியாவின் வாழ்க்கை விவாகரத்தில் முடிந்துவிடக் கூடாது என்று போராடினார் ரஜினி. ஆனால் தற்போது அவரின் மகள் ஐஸ்வர்யாவே தன் காதல் கணவரான தனுஷை பிரிந்து வாழ்ந்து வருகிறார்.
தனுஷும், ஐஸ்வர்யாவும் பிரிய முடிவு செய்தபோது இருவரிடமும் பலகட்ட பேச்சுவார்த்தை நடத்தினார் ரஜினி. இரண்டு மகன்களை வைத்துக் கொண்டு உங்களுக்கு உங்க சந்தோஷம் முக்கியமாகப் போய்விட்டதா என்றாராம். மகன்கள் யாத்ரா, லிங்காவுக்காக சேர்ந்து வாழுங்கள் என்று ரஜினி சொல்லியிருக்கிறார்.
ஆனால் அவர் எவ்வளவோ பேசியும் பலனில்லாமல் போய்விட்டது. முன்னதாக சவுந்தர்யா தன் முதல் கணவரை விவாகரத்து செய்தபோதே தனக்கும் விவாகரத்து வேண்டும் என்று ஐஸ்வர்யா கேட்டாராம். அதை கேட்டு கோபப்பட்ட ரஜினியோ, மரியாதையாக கணவருடன் சேர்ந்து வாழ். பிள்ளைகள் இருக்கும்போது விவாகரத்து பற்றி யோசிக்கவே கூடாது என்றாராம். இதையடுத்தே தனுஷுடன் இருந்தாராம் ஐஸ்வர்யா.
விவாகரத்து விஷயத்தில் முதல் முறையாக சோனியா அகர்வால் விஷயத்தில் தோற்றார் ரஜினி. தற்போது ஐஸ்வர்யா விஷயத்தில். ஆனால் ஐஸ்வர்யா விவாகரத்து கோரி நீதிமன்றம் செல்லாதது தான் ஆறுதல் என சோனியாவின் பிறந்தநாளான இன்று ரசிகர்கள் பேசிக் கொண்டிருக்கிறார்கள்.
Dhanush, Aishwarya Rajinikanth: தனுஷ், ஐஸ்வர்யா பற்றி குட் நியூஸ் சொன்ன பயில்வான்: ரசிகர்கள் நிம்மதி
செல்வராகவனை பிரிந்த பிறகு மீண்டும் நடிக்க வந்துவிட்டார் சோனியா அகர்வால். படங்கள், வெப்தொடர்களில் நடித்து வருகிறார். சிங்கிளாக இருந்து வரும் அவரை மீண்டும் திருமணம் செய்து கொள்ளுமாறு ரசிகர்கள் கோரிக்கை விடுத்து வருகிறார்கள். ஆனால் அவர் கவனமெல்லாம் கெரியர் மீது மட்டும் தான் இருக்கிறது.
சோனியாவை பிரிந்த செல்வராகவன், கீதாஞ்சலியை திருமணம் செய்து கொண்டார். அவர்களுக்கு ஒரு மகள், இரண்டு மகன்கள் இருக்கிறார்கள். கீதாஞ்சலி செல்வராகவன் இன்ஸ்டாவில் ஆக்டிவாக இருக்கிறார். தன் குடும்ப புகைப்படங்களை அவ்வப்போது வெளியிட்டு வருகிறார் என்பது குறிப்பிடத்தக்கது.