சென்னை : சந்திரமுகி 2 படப்பிடிப்பு தளத்தில் இருந்து புகைப்படம் ஒன்று இணையத்தில் வெளியாகி உள்ளது.
மணிசித்திரதாழ் படத்தின் ரீமேக்கான சந்திரமுகி திரைப்படத்தில் சூப்பர் ஸ்டார் ரஜினிகாந்த் நடித்திருந்தார்.
இப்படம் குழந்தைகள் முதல் பெரியவர் வரை அனைத்து தரப்பு ரசிகர்களிடையே மிகப்பெரிய வரவேற்பை பெற்றது.
சந்திரமுகி :
சந்திரமுகி திரைப்படத்தின் வெற்றியை தொடர்ந்து சந்திரமுகி 2 படம் உருவாகி வருகிறது. இப்படத்தில் சூப்பர் ஸ்டார் ரஜினிகாந்த் நடித்த ஹீரோ கதாபாத்திரத்தில் நடிகர் ராகவா லாரன்ஸ் நடித்துள்ளார். படப்பிடிப்பிற்கு முன்பாக சூப்பர் ஸ்டார் அவர்களை நேரில் சந்தித்து ஆசி பெற்றார்.
விறுவிறுப்பான படப்பிடிப்பு :
பிரபல பாலிவுட் நடிகை நடிகை கங்கனா ரனாவத் கதாநாயகியாக நடிக்கும் சந்திரமுகி 2 திரைப்படத்தில், வடிவேலு, ராதிகா சரத்குமார், ரவிமரியா உள்ளிட்ட பலர் நடித்துள்ளனர். மேலும், இப்படத்திற்கு ஆஸ்கார் விருது வென்ற பாகுபலி மற்றும் ஆர்ஆர்ஆர் படத்தின் இசையமைப்பாளர் கீரவாணி இசையமைக்க உள்ளார்.
வைகை புயல் வடிவேலு :
இதில் ரஜினிக்குப் பதில் ராகவா லாரன்ஸ், ஜோதிகாவிற்குப் பதில் கங்கனா ரணாவத் நடிக்கின்றனர். மீண்டும் சினிமாவில் எண்ட்ரியாகி உள்ள வைகைப்புயல் வடிவேலுவின் நகைச்சுவைக் காட்சிகள் திரையரங்கைத் திணற அடிக்கும் என்கின்றனர் படக்குழுவினர்.
வித்தியாசமான புகைப்படம் :
லைகா புரொடக்ஷன்ஸ் நிறுவனம் பிரம்மாண்டமாக தயாரிக்கும் சந்திரமுகி 2 படத்தின் படப்பிடிப்பு முழுவீச்சில் நடைபெற்று முடிந்துள்ளது. இந்நிலையில், சந்திரமுகி 2 படப்பிடிப்பில் எடுக்கப்பட்ட புகைப்படங்களை படக்குழு வெளியிட்டுள்ளது. அந்த புகைப்படத்தில் மூக்கில் கடுக்கன் அணிந்து வித்தியாசமான கெட்டபில் ராகவா லாரன்ஸ் இருக்கிறார். இந்த புகைப்படம் வெளியானதை அடுத்து படத்தின் மீதான எதிர்பார்ப்பு ஏகத்திற்கும் எகிறி உள்ளது.
பாசமான பரிசு :
மேலும் சந்திரமுகி 2 படத்தின் படப்பிடிப்பு நிறைவடைந்ததை அடுத்து, இப்படத்தில் முக்கிய வேடத்தில் நடித்த நடிகை ராதிகாவிற்கு தங்க மோதிரம் ஒன்றை ராகவா லாரன்ஸ் பரிசாக வழங்கியுள்ளார். இதனால் ராதிகா இன்ப அதிர்ச்சி அடைந்து அந்த புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார்.