SJ Surya: தன் முதல் சம்பளத்தில் உதவி இயக்குனர்களுக்கு பைக் வாங்கி கொடுத்த எஸ்.ஜெ சூர்யா..நெகிழ்ச்சியாக பேசிய மாரிமுத்து..!

இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் நடிகர், இயக்குனர், தயாரிப்பாளர் என ஒரு ஆல்ரவுண்டராக வலம் வருபவர் தான் எஸ்.ஜெ சூர்யா. ஒரு நடிகராகவேண்டும் என்ற எண்ணத்தில் திரைத்துறைக்கு வந்த சூர்யா தன் திரைப்பயணத்தை பக்காவாக பிளான் போட்டு பயணித்து வருகின்றார் என்றுதான் சொல்லவேண்டும்.

ஒரு நடிகராகவேண்டும் என்றால் முதலில் திரைத்துறையில் நுழைய வேண்டும் என்பதை உணர்ந்த சூர்யா உதவி இயக்குனராக ஒரு சில இயக்குனர்களிடம் பணியாற்றினார்.பின்பு இயக்குனராகி சம்பாதித்து அந்த காசை வைத்து ஹீரோவாகவேண்டும் என நினைத்த சூர்யா வாலி, குஷி என இரு மெகாஹிட் படங்களை இயக்கிவிட்டு நியூ என்ற படத்தின் மூலம் தன்னை தானே ஒரு ஹீரோவாக அறிமுகம் செய்துகொண்டு வெற்றிபெற்றார்.

எஸ்.ஜெ சூர்யாவின் மனசு

நியூ திரைப்படத்தை தானே இயக்கி, தயாரித்து, நடித்து மிகப்பெரிய வெற்றிப்படமாக கொடுத்து ஒரு ஹீரோவாக வெற்றிபெற்றார் சூர்யா. இதையடுத்து தற்போது இந்தியளவில் பேசப்படும் நடிகராக உருவெடுத்துள்ளார். ஹீரோ, வில்லன், குணச்சித்திர கதாபாத்திரம் என அனைத்தையும் அசால்ட்டாக நடித்து அசத்தி வருகின்றார் சூர்யா.

Leo: லியோ ஷூட்டிங் ஸ்பாட்டில் எஸ்.ஜெ சூர்யா – விஜய் திடீர் சந்திப்பு..காரணம் இதுதானாம்..!

இதையடுத்து தற்போது அவர் ராதா மோகன் இயக்கத்தில் நடித்த பொம்மை திரைப்படம் சில தினங்களில் வெளியாக இருக்கின்றது. அப்படத்தின் ப்ரோமோஷனுக்காக பல நிகழ்ச்சிகளில் கலந்துவருகின்றார் எஸ்.ஜெ.சூர்யா. அந்த வகையில் ஒரு நிகழ்ச்சியில் அவரின் நண்பரும், பிரபல நடிகருமான மாரிமுத்து எஸ்.ஜெ சூர்யாவை பற்றி நெகிழ்ச்சியாக பேசியது தான் தற்போது வைரலாகி வருகின்றது.

அதாவது இயக்குனர் வசந்த்திடம் எஸ்.ஜெ சூர்யா மற்றும் மாரிமுத்து இருவரும் உதவி இயக்குனர்களாக பணியாற்றியுள்ளனர். அதன் பிறகு எஸ்.ஜெ சூர்யா வாலி மற்றும் குஷி படத்தை இயக்கும் போது அவரின் உதவி இயக்குனராக மாரிமுத்து பணியாற்றியுள்ளார். அப்போது குஷி படத்திற்காக அவர் வாங்கிய அட்வான்ஸ் பணத்தை வைத்து அவரது உதவி இயக்குனர்கள் மொத்தம் ஏழு பேருக்கு பைக் வாங்கி கொடுத்துள்ளாராம் எஸ்.ஜெ சூர்யா.

நெகிழ்ச்சியாக பேசிய மாரிமுத்து

இதுபற்றி மாரிமுத்து பேசியது, முதலுரையாக எஸ்.ஜெ சூர்யா சம்பளமாக சில லட்சங்களை குஷி படத்திற்காக வாங்கினார். நானாக இருந்திருந்தால் அந்த காசை அப்படியே எடுத்துக்கொண்டு வீட்டில் வைத்திருப்பேன். ஆனால் எஸ்.ஜெ சூர்யா அந்த பணத்தை எடுத்துக்கொண்டு நேராக பைக் ஷோரூமுக்கு சென்று அவரின் உதவியாளர் அனைவர்க்கும் பைக் வாங்கிக்கொடுத்தார்.

அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்

நான், ஏ.ஆர் முருகதாஸ் உட்பட மொத்தம் ஏழு உதவி இயக்குனர்களுக்கு பைக் வாங்கி கொடுத்தார் எஸ்.ஜெ சூர்யா. இந்த மனசு யாருக்கும் வராது என மாரிமுத்து நெகிழ்ச்சியாக பேசியுள்ளார். இந்நிலையில் இந்த தகவலை கேட்ட ரசிகர்கள் அனைவரும் எஸ்.ஜீ சூர்யாவின் மனசை பாராட்டி வருகின்றனர்.

Leave a Comment

This site uses Akismet to reduce spam. Learn how your comment data is processed.