நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடித்திருக்கும் ஜெயிலர் படம் வரும் ஆகஸ்ட் மாதம் 10ம் தேதி திரைக்கு வருகிறது. இந்நிலையில் ஜூலை 28ம் தேதி ஜெயிலர் பட இசை வெளியீட்டு விழாவை சென்னையில் நடத்துகிறார்கள்.
“கோவம் வந்துச்சு..அங்க இருந்து கதை வந்துச்சு” Aneethi Team Interview !
அந்த விழாவில் சிறப்பு விருந்தினர்களாக கலந்து கொள்ளுமாறு உலக நாயகன் கமல் ஹாசன், தளபதி விஜய்யிடம் கேட்டதாம் சன் பிக்சர்ஸ் நிறுவனம். நண்பர் ரஜினி பட விழாவில் கலந்து கொள்வதில் மகிழ்ச்சி, நான் வருகிறேன் என கூறிவிட்டாராம் கமல் ஹாசன்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
விஜய் தான் தன்னால் வர முடியாது என்று கூறியதாக தகவல் வெளியாகியுள்ளது. அடுத்து சூப்பர் ஸ்டார் இல்லை தற்போதைய சூப்பர் ஸ்டாரே விஜய் தான் என அவரின் ரசிகர்களின் கூறி வருகிறார்கள். நீங்களாக சொல்லிக் கொள்ள வேண்டியது தான். என்றும் ஒரே சூப்பர் ஸ்டார் ரஜினிகாந்த் தான் என தலைவர் ரசிகர்கள் கூறி வருகிறார்கள்.
இந்நிலையில் வெளியான ஜெயிலர் படத்தில் வரும் ஹுகும் பாடல் விஜய்யை குத்திக்காட்டியது போன்று இருப்பதாக பேச்சு கிளம்பியது. ஹுகும் பாடல் விஜய் ரசிகர்களை அதிருப்தி அடைய வைத்திருக்கிறது.
ஹுகும் பாடலால் தான் ஜெயிலர் இசை வெளியீட்டு விழாவுக்கு வர முடியாது என விஜய் கூறியதாக பேசப்படுகிறது. ஆனால் அந்த தகவலில் உண்மை இருக்க வாய்ப்பில்லை என்கிறார்கள் தளபதி ரசிகர்கள்.
தளபதி விஜய் ரசிகர்கள் கூறியிருப்பதாவது,
ஆயிரம் தான் மனஸ்தாபம் இருந்தாலும் ரஜினியை விட்டுக் கொடுக்காதவர் தளபதி. அதனால் ஜெயிலர் பட விழாவுக்கு வர மாட்டேன் என அவர் சொல்லியிருக்க வாய்ப்பே இல்லை என்கிறார்கள்.
லோகேஷ் கனகராஜ் இயக்கத்தில் லியோ படத்தில் நடித்து முடித்திருக்கும் விஜய் அடுத்தாக அரசியல் கட்சி துவங்குவதில் பிசியாக இருப்பதாக பேசப்படுகிறது. வரும் செம்படம்பர் மாதம் அரசியல் கட்சியை துவங்குகிறார் என்று கூறப்படுகிறது.
லியோவை அடுத்து வெங்கட் பிரபு இயக்கத்தில் தான் நடிக்கும் தளபதி 68 படத்துடன் நடிப்பில் இருந்து ஒரு குட்டி பிரேக் எடுக்க திட்டமிட்டுள்ளார் என தகவல் வெளியானது. அந்த தகவலில் உண்மை இல்லை என விஜய் தரப்பில் இருந்து தெரிவிக்கப்பட்டது. ஆனாலும் அந்த பேச்சு அடங்கியபாடில்லை.
Vijay: சக்சஸ்: அரசியலுக்கு வரும் விஜய்யை தேடி வந்த குட் நியூஸ்
ஜெயிலர் படத்தில் வரும் காவாலா பாடலின் லிரிக்கல் வீடியோ பெரிய அளவில் ரீச் ஆகியிருக்கிறது. இதையடுத்து ஜெயிலர் இசை வெளியீட்டு விழா மேடையில் காவாலா பாடலுக்கு தமன்னா டான்ஸ் ஆட வேண்டும் என்பது ரசிகர்களின் அன்பு கோரிக்கையாகும்.
இதற்கிடையே ஜெயிலர், லால் சலாம் பட வேலையை முடித்த ரஜினிகாந்த் ஓய்வெடுக்க மாலத்தீவுகளுக்கு சென்றிருக்கிறார். அங்கு கடற்கரையில் அவர் நடந்து சென்றபோது எடுக்கப்பட்ட புகைப்படம் வெளியாகி வைரலானது.
Rajinikanth: மாலத்தீவுகள் பீச்சில் சில்லிங் செய்யும் ரஜினி: ஷார்ட்ஸ், டி சர்ட்டில் செம கூல்
ஷார்ட்ஸ், டி சர்ட்டில் ரஜினியை இப்பொழுது தான் பார்க்கிறோம் என ரசிகர்கள் பலர் தெரிவித்தனர். ஜெயிலர் படத்தை அடுத்து ஞானவேல் இயக்கத்தில் தலைவர் 170 படத்தில் நடிக்கிறார் ரஜினிகாந்த்.
உண்மை சம்பவத்தை அடிப்படையாக வைத்து எடுக்கப்படும் அந்த படத்தில் ஓய்வு பெற்ற போலீஸ் அதிகாரியாக நடிக்கிறாராம்.