‘ஜெயிலர்’ படத்தின் இசை வெளியீட்டு விழாவுக்கான இலவச பாஸ்கள் 15 வினாடிகளில் காலியாகியுள்ளதாக சன் பிக்சர்ஸ் நிறுவனம் தெரிவித்துள்ளது.
ஜெயிலர் ஆடியோ லான்ச்தமிழ் சினிமாவில் முன்னணி நடிகராக திகழும் ரஜினியின் நடிப்பில் தற்போது ‘ஜெயிலர்’ படம் உருவாகியுள்ளது. நெல்சன் திலீப்குமார் இயக்கத்தில் சன் பிக்சர்ஸ் தயாரிப்பில் மிகுந்த எதிர்பார்ப்பிற்கு மத்தியில் இந்தப்படம் உருவாகியுள்ளது. இந்நிலையில் இந்தப்படத்தின் ஆடியோ லான்ச் வரும் 28 ஆம் தேதி பிரம்மாண்டமாக நடைபெறவுள்ளது. இதற்காக ரசிகர்கள் வெறித்தனமாக காத்திருக்கின்றனர்.
பட்டையை கிளப்பிய காவாலா’ஜெயிலர்’ படத்திலிருந்து முதல் சிங்கிளாக ‘காவாலா’ என்ற பாடல் வெளியானது. அனிருத் இசையில் தமன்னாவின் அட்டகாசமான கிளாமர் டான்ஸுடன் ரிலீசான இந்தப்பாடல் பட்டித்தொட்டி எங்கும் பட்டையை கிளப்பியது. ரசிகர்கள் மட்டுமல்லாமல் திரையுலகை சார்ந்த பிரபலங்களும் இந்தப்பாடலுக்கு ரீல்ஸ் செய்து வருகின்றனர். ஆனால் ரஜினி படத்தின் முதல் சிங்கிளாக மாஸ் பாடல் வெளியாகாது ரசிகர்கள் மத்தியில் வருத்தத்தை ஏற்படுத்தியது.
ரசிகர்கள் கொண்டாடும் ஹுக்கும்இதனையடுத்து ரசிகர்களின் அதிருப்தியை போக்கும் விதமாக ‘ஜெயிலர்’ படத்தின் செகண்ட் சிங்கிளாக ‘ஹுக்கும்’ என்ற பாடல் வெளியானது. ரஜினிக்காக எழுதிய மாஸ் பாடல் வரிகளுடன் வெளியான இந்தப்பாடலை ரசிகர்கள் கொண்டாடி தீர்த்து வருகின்றனர். இந்நிலையில் ‘ஜெயிலர்’ படத்தின் இசை வெளியீட்டு விழா வரும் 28 ஆம் தேதி நேரு உள் விளையாட்டு அரங்கில் நடைபெறவுள்ளதாக படக்குழு அண்மையில் அறிவித்தது.
15 வினாடிகளில் சாதனைஇதனையடுத்து ‘ஜெயிலர்’ இசை வெளியீட்டு விழாவில் கலந்து கொள்வதற்காக 1000 பாஸ்கள் வழங்குவதாக சன் பிக்சர்ஸ் நிறுவனம் அறிவித்தது. முதலில் வருபவர்களுக்கு முன்னுரிமை அளிக்கப்படும் என கூறப்பட்டு பாஸ் பெறுவதற்கான லிங்க்கும் வெளியிடப்பட்டது. இந்நிலையில் இந்த லிங்க் வெளியிடப்பட்ட15 வினாடிகளில் அனைத்து டிக்கெட்களும் காலியாகி விட்டதாக சன் பிக்சர்ஸ் நிறுவனம் தனது ட்விட்டர் பக்கத்தில் தெரிவித்துள்ளது.
பல மொழி சூப்பர் ஸ்டார்கள்’ஜெயிலர் படத்தில் கோலிவுட் சூப்பர் ஸ்டார் ரஜினியுடன் மலையாள சூப்பர் ஸ்டார் மோகன்லால், கன்னட சூப்பர் ஸ்டார் சிவராஜ்குமார் மற்றும் பாலிவுட் பிரபலம் ஜாக்கி ஷெரப், தெலுங்கு நடிகர் சுனில் உள்ளிட்ட பல மொழிகளை சார்ந்த பிரபலங்கள் இணைந்து நடித்துள்ளனர். இவர்களுடன் தமன்னா, ரம்யா கிருஷ்ணன், விநாயகன், வசந்த் ரவி, யோகி பாபு உள்ளிட்ட பலர் நடித்துள்ளார்கள். ‘ஜெயிலர்’ படம் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.