லோகேஷ் கனகராஜ் இயக்கத்தில் விஜய்யின் நடிப்பில் உருவாகி வரும் லியோ திரைப்படத்தை தான் ஒட்டுமொத்த சினிமா ரசிகர்களும் காத்துக்கொண்டிருக்கின்றனர். விஜய்யின் நடிப்பில் வெளியான கடைசி இரண்டு படங்களான பீஸ்ட் மற்றும் வாரிசு ஆகிய படங்கள் என்னதான் வசூல் ரீதியாக வெற்றி பெற்றாலும் கலவையான விமர்சனங்களையே பெற்றது.
எனவே லியோ படத்தின் மூலம் விமர்சன ரீதியாகவும் வெற்றிபெற விஜய் முடிவெடுத்துள்ளார். அதன் காரணமாகவே இப்படத்தை முழுக்க முழுக்க லோகேஷின் ஸ்டைலிலேயே எடுக்க சம்மதித்துள்ளார் விஜய் என கூறப்படுகின்றது. இந்நிலையில் லியோ திரைப்படம் வெளியாக இன்னும் ஒரு மாத காலமே இருப்பதால் ரசிகர்களின் எதிர்பார்ப்பு நாளுக்கு நாள் அதிகரித்துள்ளது.
ஆயிரம் கோடி வசூல்
அந்தவகையில் லியோ படத்தின் இசை வெளியீட்டு விழா சென்னையில் மாதம் இறுதியில் மிகப்பிரமாண்டமாக நடைபெற இருக்கின்றது. அந்த விழாவில் விஜய் என்ன பேசுவார் என்பதை கேட்கவே ஒட்டுமொத்த சினிமா ரசிகர்களும் ஆவலாக இருக்கின்றனர். விஜய் சமீபகாலமாக அரசியலில் தீவிரம் காட்டி வருவதால் அரசியல் பற்றி பேசுவாரா ? இல்லை சூப்பர்ஸ்டார் பஞ்சாயத்து போய்க்கொண்டிருப்பதால் அதைப்பற்றி பேசுவாரா ? என்ற எதிர்பார்ப்பு அனைவரிடமும் இருக்கின்றது.
Nelson dilipkumar: வரலாறு படைத்த ஜெயிலர்..தென்னிந்திய அளவில் சாதனை செய்த நெல்சன்..இதெல்லாம் பெரிய விஷயம்பா..!
இந்நிலையில் சமீபத்தில் வெளியான ரஜினியின் ஜெயிலர் திரைப்படம் மாபெரும் வெற்றியை பெற்று வசூலில் சாதனை படைத்து வருகின்றது. இதுவரை ஜெயிலர் திரைப்படம் 600 கோடிக்கு மேல் வசூலித்ததாக தகவல் வந்துள்ளது. எனவே ஜெயிலர் வசூலை எப்படியாவது விஜய்யின் லியோ திரைப்படம் முறியடிக்க வேண்டும் என விஜய் ரசிகர்கள் தீவிரம் காட்டி வருகின்றனர்.
ஏனென்றால் சமீபகாலமாக விஜய் மற்றும் ரஜினி ரசிகர்கள் இடையே கடுமையான மோதல்கள் வெடித்து வருகின்றன. அதற்கு காரணம் சூப்பர்ஸ்டார் பட்டம் தான். இந்நிலையில் ஜெய்லரின் வசூல் சாதனையை லியோ முறியடித்தால் சிறப்பாக இருக்கும் என்பதே விஜய் ரசிகர்களின் விருப்பமாக இருக்கின்றது.அதற்காக விஜய் ரசிகர்கள் சிலர் லியோ படக்குழுவிற்கு அட்வைஸ் செய்து வருகின்றனர்.
ஐடியா கொடுத்த ரசிகர்கள்
அதாவது ஜெயிலர் திரைப்படத்திற்கு தமிழ்நாட்டில் கிடைத்தது போல மற்ற மாநிலங்களிலும், நாடுகளிலும் அமோகமான வரவேற்பு கிடைத்தது. அதன் காரணமாகவே தான் ஜெயிலர் வசூலில் சாதனை படைத்தது. எனவே லியோ படத்தின் ப்ரோமோஷனை தமிழ்நாட்டில் மட்டும் செய்யாமல் மற்ற மாநிலங்களிலும், வட மாநிலங்களிலும் செய்தால் படத்தின் வசூல் அதிகரிக்கும்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
எனவே இந்தியா முழுவதும் ,உலகம் முழுவதும் லியோ படத்தின் ப்ரோமோஷனை செய்ய ரசிகர்கள் அட்வைஸ் செய்து வருகின்றனர். அந்த அளவிற்கு விஜய் ரசிகர்கள் ஜெயிலர் படத்தின் வசூலை லியோ முறியடிக்கவேண்டும் என ஆவலாக இருக்கின்றனர் என்பது குறிப்பிடத்தக்கது.