பிரபாஸ் படம் 9 பாகங்களாக உருவாகிறதா?
ஷங்கர் இயக்கத்தில் இந்தியன் 2 படத்தில் நடித்து முடித்ததும் பிரபாஸ் நாயகனாக நடித்துள்ள கல்கி 2898 ஏடி என்ற படத்தில் வில்லனாக நடித்து முடித்திருக்கிறார் கமல்ஹாசன். இந்த படம் வருகிற மே மாதம் ஒன்பதாம் தேதி திரைக்கு வருவதாக அறிவிக்கப்பட்டுள்ளது. இப்படத்தில் பிரபாஸ், கமலுடன் அமிதாப்பச்சன், தீபிகா படுகோனே ஆகியோரும் முக்கிய வேடங்களில் நடித்திருக்கிறார்கள். பான் இந்திய படமாக தயாராகியுள்ள இப்படம் உலக அளவில் வெளியாக உள்ளது. இந்த நிலையில் ஹாலிவுட் திரைப்படங்கள் 10 பாகங்கள் வரை திரைக்கு வருவது போல் தற்போது இந்த கல்கி 2898 ஏடி படத்தையும் 9 பாகங்கள் வரை தயாரிக்க திட்டமிட்டு இருப்பதாக சோசியல் மீடியாவில் ஒரு தகவல் வைரலாகி வருகிறது. என்றாலும் இந்த தகவலை படக்குழு உறுதிப்படுத்தவில்லை.