அடையாளம் தெரியாத அளவிற்கு மாறிப்போன கமலினி முகர்ஜி
கமல்ஹாசன் நடிப்பில் கவுதம் வாசுதேவ் மேனன் இயக்கத்தில் 2006ல் வெளியான படம் ‛வேட்டையாடு விளையாடு'. இப்படத்தில் கமலுக்கு ஜோடியாக கமலினி முகர்ஜி, ஜோதிகா ஆகியோர் நடித்திருந்தனர். கமலின் பிளாஷ்பேக் காட்சிகளில் வரும் கமலினி முகர்ஜிக்கு அதுதான் முதல் தமிழ்படம். அதற்கு முன்பு ஹிந்தியில் நடித்திருந்தார்.
அப்படத்தில் கமல் – கமலினி முகர்ஜி ஜோடியின் கெமிஸ்ட்ரி பெரிதும் பேசப்பட்ட நிலையில், அடுத்து நீண்ட நாட்களாக தமிழில் படம் நடிக்காமல் இருந்தார். கடைசியாக தமிழில் ‛இறைவி' படத்தில் நடித்திருந்தார். அதன்பின் மலையாளத்தில் மோகன்லால் நடித்த ‛புலிமுருகன்' படத்தில் நடித்தார். அதற்கடுத்து படங்களில் நடிக்காமல் ஒதுங்கிஇருந்த கமலினி முகர்ஜியின் தற்போதைய புகைப்படம் வைரலாகியுள்ளது.
அடையாளம் தெரியாத அளவிற்கு மாறியுள்ள கமலினி முகர்ஜியின் புகைப்படத்தை பார்த்த ரசிகர்கள் அவரா இவர் என ஆச்சரியம் கலந்த அதிர்ச்சியடைந்துள்ளனர்.