பல ஆண்டுகள் கழித்து தன் அண்ணனும், குருவுமான
செல்வராகவன்
இயக்கத்தில் நடித்து வருகிறார்
தனுஷ்
.
நானே வருவேன்
என்று தலைப்பு வைக்கப்பட்டிருக்கும் அந்த படத்தை கலைப்புலி எஸ். தாணு தனது வி கிரியேஷன்ஸ் நிறுவனம் மூலம் தயாரிக்கிறார்.
படத்திற்கு யுவன் ஷங்கர் ராஜா இசையமைக்கிறார். அவர் இசையில் பாடல்கள் அனைத்தும் தயாராகிவிட்டதாக செல்வராகவன் அண்மையில் தெரிவித்தார்.
நானே வருவேன் படத்தின் ஷூட்டிங் தற்போது ஊட்டியில் நடந்து வருகிறது. அந்த படத்திற்காக வில்வித்தை கற்றிருக்கிறார் தனுஷ். ஷிஹான் ஹுசைனி தான் தனுஷுக்கு வில்வித்தை கற்றுக் கொடுத்திருக்கிறார்.
மேலும் படப்பிடிப்பு நடக்கும் ஊட்டிக்கும் சென்றிருக்கிறாராம் ஷிஹான் ஹுசைனி. படத்தில் இரட்டை வேடத்தில் நடிக்கிறார் தனுஷ்.
செல்வராகவன் படத்தில் ஒரு ஹீரோ இரட்டை வேடத்தில் வருவது இதுவே முதல்முறையாகும். படத்தில் தனுஷ் எப்பொழுதமே ஒரு ஜீப்பில் பயணிப்பாராம். நானே வருவேன் படம் ரிலீஸான பிறகு அந்த ஜீப் பிரபலமாகிவிடும் என்று கூறப்படுகிறது.
தனுஷுக்கு ஜோடியாக இந்துஜா நடிக்கிறார். அவர் தனுஷ் ஜோடியாக நடிப்பது இது தான் முதல் முறை ஆகும்.
வீடியோ கால் செய்த 2 நண்பர்கள்: ஐஸ்வர்யா ஹேப்பி, ஆனால்…