மஞ்சளில் மயக்கும் ஜான்வி கபூர்
கோலிவுட், பாலிவுட், டோலிவுட், சான்டல்வுட், மாலிவுட் என எந்த மொழி சினிமா நடிகைகளாக இருந்தாலும் அவர்களைப் புடவையில் பார்ப்பதே பல ரசிகர்களுக்கு ஒரு தனி ரசனையாக இருக்கும். அவர்கள் என்னதான் மாடர்ன் உடைகளில் கிளாமராக புகைப்படங்களை எடுத்துப் பதிவிட்டாலும் புடவை போட்டோ என்றால் அதில் தனி 'கிக்' இருக்கத்தான் செய்கிறது என்பது பல ரசிகர்களின் கருத்தாக இருக்கும்.
புடவைகளில் ஒரு சில நடிகைகள்தான் பேரழகிகளாக இருப்பார்கள். அவர்களில் மறைந்த நடிகை ஸ்ரீதேவியும் ஒருவர். அவரது மகள் ஜான்வி கபூர், தனது சமூக வலைத்தள பக்கங்களில் அடிக்கடி கிளாமர், பிகினி புகைப்படங்களைத்தான் அதிகம் பதிவிடுவார். ஆனால், திடீரென அவருக்கு புடவை மீது காதல் வந்துவிடும். நேற்று தன்னுடைய இன்ஸ்டா தளத்தில் பிரபல பாலிவுட் ஆடை வடிவமைப்பாளர் மனிஷ் மல்கோத்ரா வடிவமைத்த மஞ்சள் நிறப் புடவையில் சில புகைப்படங்களைப் பதிவிட்டுள்ளார் ஜான்வி. இளமைக்கால ஸ்ரீதேவியைப் பார்ப்பது போலவே இருக்கிறார்.
சில தினங்களுக்கு முன்புதான் நடிகர் ஷாரூக்கானின் மகள் சுஹானா கான், ஆடை வடிவமைப்பாளர் மனிஷ் வடிவமைத்த சிவப்பு நிற புடவை அணிந்த புகைப்படங்கள் பாலிவுட்டினரை ஆச்சரியப்படுத்தின.