1999 ஆம் ஆண்டு
சேது
என்ற படத்தின் மூலம் இயக்குனராக அறிமுகமானார்
பாலா
. அப்படம் மாபெரும் வெற்றிபெற்றது மட்டுமல்லாமல் பல விருதுகளையும் தட்டி சென்றது. ஆனால் அந்த படம் வெளியாவதாற்கு பல போராட்டங்களை சந்தித்தனர் படக்குழுவினர்.
அதற்கு முன் பல ஆண்டுகளாக நடித்துவந்த
விக்ரம்
தனது முதல் வெற்றியை எதிர்நோக்கி காத்திருந்தார். அதுபோல பாலாவிற்கு இது முதல் படம் என்பதால் இப்படத்தின் மூலம் வெற்றியை பெற்று முத்திரை பதிக்க முயற்சித்துக்கொண்டிருந்தார். இருப்பினும் சில பிரச்சனைகள் காரணமாக இப்படம் வெளியாவதில் சில சிக்கல்கள் இருந்தன.
அந்த பிரச்சனையெல்லாம் ஒருவழியாக முடிவடைந்து படத்தை வெளியிட்ட படக்குழுவிற்கு அதிர்ச்சி காத்திருந்தது. என்னவென்றால் படம் பார்க்க சில ரசிகர்களே திரையரங்கிற்கு வந்திருந்தனர். அப்போது விக்ரம் பெரிய ஹீரோ இல்லை என்பதாலும், பாலா புதுமுக இயக்குனர் என்பதாலும் அப்படத்தின் மீது ரசிகர்களுக்கு எதிர்பார்ப்பு ஏற்படவில்லை
என் காதல் அப்படித்தான் இருந்தது : பாலா ஓபன் டாக்
.
ஆனால் படத்தை பார்த்த சில ரசிகர்களின் விமர்சனங்களால் மூன்று நாட்களுக்கு பிறகு இப்படத்தை திரையிட்ட திரையரங்கம் அனைத்தும் ரசிகர்கூட்டத்தால் நிரம்பி வழிந்தது. மிகப்பெரிய வெற்றியை பெற்ற சேது விக்ரமை வெற்றி நாயகனாக தமிழ் சினிமாவிற்கு அறிமுகம் செய்தது. இயக்குனர் பாலாவிற்கும் நல்ல பெயரை வாங்கிக்கொடுத்து.
இப்படத்தின் மூலம் நெருங்கிய நண்பர்களான விக்ரம் மற்றும் பாலா பிதாமகன் படத்திலும் இணைந்து பணியாற்றினார். இந்நிலையில் தனக்கு திரைவாழ்க்கையில் வெற்றியை தேடித்தந்த பாலாவை தன் மகனையும் இயக்க கேட்டுக்கொண்டார் விக்ரம். அதன்படி விக்ரமின் மகன் துருவ்வின் முதல் படமான வர்மாவை இயக்கினார் பாலா.
ஆனால் அப்படம் சரியாக எடுக்கப்படவில்லை என தயாரிப்பாளர்கள் கூறி இயக்குனர் பாலாவை நீக்கிவிட்டனர். பாலாவிற்கு பதில் வேறொரு இயக்குனரை வைத்து அப்படத்தை ஆதித்யா வர்மா எனபெயரிட்டு மீண்டும் எடுத்து வெளியிட்டனர். தமிழ் சினிமாவில் பல வெற்றிப்படங்களை கொடுத்து தேசிய விருது பெற்ற இயக்குனரான பாலாவால் இதை தாங்கிக்கொள்ள முடியவில்லை.
இதனால் மனமுடைந்த பாலா வீட்டில் தன் கோபத்தை காட்டியுள்ளார். இந்த கோபத்தினால் இவருக்கும் இவர் மனைவிக்கும் பலப்பிரச்சனைகள் வந்ததாக சமூகத்தளங்களில் பல தகவல்கள் வந்தன. எனவே இந்த விஷயமும் இவர்கள் விவாகரத்திற்கு ஒரு காரணமாக இருக்கும் என ரசிகர்கள் கணித்து வருவது குறிப்பிடத்தக்கது.