காஜல் அகர்வாலுக்கு ராம்சரண் போட்ட தடை

தெலுங்கில் சிரஞ்சீவி, ராம்சரண் இணைந்து நடித்துள்ள படம் ஆச்சாரியா. கொரட்டல்ல சிவா இயக்கியுள்ள இந்த படத்தில் காஜல் அகர்வால், பூஜா ஹெக்டே ஆகியோர் நாயகிகளாக நடித்துள்ளார்கள். இப்படத்தின் படப்பிடிப்பு முடிந்து இறுதிகட்டப் பணிகள் நடந்து வந்த நிலையில் ஏப்ரல் 29ஆம் தேதி படம் திரைக்கு வருவதாக அறிவிக்கப்பட்டுள்ளது. இந்நிலையில் தற்போது ஆச்சாரியா படத்தின் புரமோஷனை படக்குழு தொடங்கி இருக்கிறது. இதையடுத்து இப்படத்தில் சிரஞ்சீவிக்கு ஜோடியாக நடித்துள்ள காஜல் அகர்வால், தானும் புரமோஷன் நிகழ்ச்சியில் கலந்துகொள்ள வருவதாக தெரிவித்திருக்கிறார். ஆனால் படத்தின் தயாரிப்பாளரான நடிகர் ராம் சரண், தற்போது நீங்கள் கர்ப்பமாக இருப்பதால் ரிஸ்க் எடுக்க வேண்டாம். புரமோஷன் நிகழ்ச்சிகளை நாங்களே பார்த்துக் கொள்கிறோம் என்று காஜலை தடுத்து விட்டாராம். இதனால் சிரஞ்சீவி, ராம்சரண், பூஜாஹெக்டே ஆகியோர் மட்டுமே பிரமோஷன் நிகழ்ச்சிகளில் கலந்து கொள்ள இருப்பதாக தகவல்கள் வெளியாகியுள்ளன.

Leave a Comment

This site uses Akismet to reduce spam. Learn how your comment data is processed.