பயனர் பாதுகாப்பு, செயலி மேம்பாடு என மெட்டா நிறுவனத்தின் கீழ் இயங்கும்
வாட்ஸ்அப்
பல புதுப்புது அம்சங்களை அவ்வப்போது பயனர்களுக்கு அளித்து வருகிறது. அதனுடன், நிறுவனத்தின் கொள்கைகளை மீறும் பயனர்கள் மீதும் தொடர்ந்து நடவடிக்கையும் எடுத்து வருகிறது.
அந்தவகையில், Whatsapp இந்த ஆண்டு பிப்ரவரி மாதத்தில் மட்டும், சுமார் 14 லட்சத்துக்கும் அதிகமான இந்தியப் பயனர் கணக்குகளை முடக்கியுள்ளது. ஒன்றிய அரசின் புதிய தகவல் தொழில்நுட்ப சட்ட விதிகளின் படி, ஒவ்வொரு மாதமும் தொழில்நுட்ப நிறுவனங்கள் மேற்கொண்ட நடவடிக்கைகளை அறிக்கையாக சமர்பிக்க வேண்டும்.
வாட்ஸ்அப் கணக்கு முடக்கம்
அந்த வகையில், வாட்ஸ்அப் பிப்ரவரி மாதத்திற்கான நடவடிக்கைகள் குறித்த அறிக்கையை வெளியிட்டுள்ளது. அதன்படி, பிப்ரவரி 1ஆம் தேதி முதல் பிப்ரவரி 28ஆம் தேதி வரை, வாட்ஸ்அப் கணக்குகளின் மூலம் கொள்கை விதிமீறல்களில் ஈடுபட்ட 14 லட்சத்து 26 ஆயிரம் கணக்குகள் முடக்கப்பட்டுள்ளதாக அறிக்கையில் தெரிவிக்கப்பட்டுள்ளது.
பயனர் தரப்பிலிருந்து தெரிவிக்கும் அனைத்து விதமான குற்றச்சாட்டுகளையும் நிறுவனம் பரிசீலனை செய்து, தகுந்த நடவடிக்கை எடுத்து வருகிறது. ஒரு கணக்கு தடை செய்யப்பட்டாலோ அல்லது தடை செய்யப்பட்ட கணக்கு மீட்கப்பட்டாலோ குறிப்பிட்ட கணக்கை நிர்வகிக்கும் மீது நடவடிக்கை எடுக்கப்பட்டதாக எடுத்துக் கொள்ளலாம்.
வாட்ஸ்அப் மூலம் குற்றச்சாட்டுகளைப் பதிவு செய்ய இரு வழிகள் கொடுக்கப்பட்டிருக்கிறது. முதலில் [email protected] எனும் மின்னஞ்சல் முகவரிக்கு குற்றச்சாட்டுகளைப் பதிவு செய்யலாம். மற்றொன்று குறைதீர்க்கும் அலுவலருக்குக் கடிதம் எழுதுவதன் மூலம் பயனர்கள் தங்களின் குற்றச்சாட்டுகளைப் பதிவிடலாம். குறைதீர்க்கும் நெட்வொர்க்கில் பதிவிடப்படும் குற்றச்சாட்டுகள், வாட்ஸ்அப் நிறுவனத்தின் பிரத்தியேக டூல்கள் கொண்டு உடனடியாக தணிக்கை செய்யப்படுகிறது.
இத மட்டும் செய்யாதீங்க – முடக்கப்படும் Whatsapp கணக்குகள்!
எந்த காரணங்களுக்காக கணக்கு தடை செய்யப்பட்டது
தவறான செய்திகளை மொத்தமாக அனுப்புதல்சிறிய இடைவெளியில் செய்திகளை மொத்தமாகப் பகிர்தல்தவறான நடத்தையில் ஈடுபடுதல்அதிகாரப்பூர்வ செயலியைப் பயன்படுத்தாமல் இருப்பதுஒரு குழுவில் சம்பந்தப்பட்ட நபர்களின் அனுமதியின்றி அவர்களின் தொடர்புகளைச் சேர்ப்பதுதெரியாத எண்களுக்கு விளம்பர செய்திகளை அனுப்புவதுமறைமுகமான செய்திகளை அனுப்புவது அல்லது சட்டவிரோத குழுவின் ஒரு பகுதியாக இருப்பது
வரையறுக்கப்பட்ட இந்த காரணங்களினால், உங்கள் வாட்ஸ்அப் கணக்கு முடக்கப்பட்டிருக்கலாம். உங்கள் வாட்ஸ்அப் கணக்கு தடை செய்யப்பட்டால், வாட்ஸ்அப் செயலியைப் பயன்படுத்த முயற்சிக்கும் போது – “Your phone number is banned from using WhatsApp. Contact support for help.” இதுபோன்ற தகவல் திரையில் தோன்றும். நீங்கள் வாட்ஸ்அப் கொள்கைகளை மீறவில்லை என்றால் [email protected] என்ற மின்னஞ்சல் முகவரியில் உங்கள் தரப்பு கருத்துகளை தெரிவிக்கலாம்.
மேலதிக செய்திகள்:
வாட்ஸ்அப் அறிமுகம் செய்துள்ள 6 புதிய அம்சங்கள்!
காசே இல்லாம IRCTC ரயில் டிக்கெட்! பேடிஎம் அதிரடி!
Google Maps உதவியுடன் ரயிலின் Live Status-ஐ தெரிந்து கொள்ளலாம்!
அடுத்த செய்திFrevolution எப்படி தொடங்குகிறது என்று பாருங்கள்! ரூ.15,000க்கும் கீழ் பல அம்சங்களுடன் வெளியான Samsung Galaxy F23 5G இந்த புரட்சியை ஏற்கனவே தொடங்கிவிட்டது!