நடிகர் ஜி.எம்.குமார் மருத்துவமனையில் அனுமதி
நடிகரும், இயக்குனருமான ஜி.எம்.குமார் உடல்நலக்குறைவால் சென்னையில் மருத்துவமனையில் அனுமதிக்கப்பட்டுள்ளார்.
தமிழ் சினிமாவில் எழுத்தாளர், இயக்குனர், நடிகர் என பன்முகத்தன்மை கொண்டவர் ஜி.எம்.குமார். அறுவடை நாள் படம் மூலம் இயக்குனராக அறிமுகமானவர். தொடர்ந்து பிக்பாக்கெட், இரும்பு பூக்கள், உருவம் ஆகிய படங்களை இயக்கினார். கன்னி ராசி(1985), காக்கிச்சட்டை போன்ற படங்களுக்கு திரைக்கதை எழுதி உள்ளார்.
பிறகு நடிகராக களமிறங்கிய இவர் வெயில் படம் மூலம் கவனிக்க வைத்தார். அதன்பிறகு மச்சக்காரன், மலைக்கோட்டை, குருவி, அவன் இவன், மாயாண்டி குடும்பத்தார் உள்ளிட்ட ஏராளமான படங்களில் நடித்தார். சென்னையில் வசித்து வந்த ஜி.எம்.குமார் உடல்நலக்குறைவால் பாதிக்கப்பட்டார். இதையடுத்து சென்னையில் உள்ள மருத்துவமனை ஒன்றில் சிகிச்சை பெற்று வருகிறார். சுவாசக் கருவி உதவியுடன் அவர் சிகிச்சை பெற்று வருகிறார்.