‛பென்சில்' பட இயக்குனர் மணி நாகராஜ் திடீர் மறைவு
ஜிவி பிரகாஷ், ஸ்ரீதிவ்யா நடித்த பென்சில் படத்தை இயக்கியவர் மணி நாகராஜ். தற்போது இவர் வாசுவின் கர்ப்பிணிகள் என்ற படத்தை இயக்கி வருகிறார். இதன் படப்பிடிப்பு வளர்ந்து வருகிறது. சமீபத்தில் இதன் போஸ்டர் வெளியாகி பரபரப்பாக பேசப்பட்டது. அதில் விஸ்வாசம் படத்தில் அஜித்தின் மகளாக நடித்த அனிகா, நடிகைகள் வனிதா, சீதா மற்றும் லீனா குமார் ஆகியோர் கர்ப்பமாக இருப்பது போன்று அந்த போஸ்டர் வடிவமைக்கப்பட்டு இருந்தது.
இந்நிலையில் இயக்குனர் மணி நாகராஜ் மாரடைப்பால் இன்று(ஆக., 25) சென்னையில் காலமானார். அவரின் திடீர் மரணம் திரையுலகினர் இடையே சோகத்தை ஏற்படுத்தி உள்ளது. வாசுவின் கர்ப்பிணிகள் படக்குழுவினர் அவருக்கு இரங்கல் தெரிவித்துள்ளனர்.
மணி நாகராஜ் இயக்குனர் கவுதம் வாசுதேவன் மேனனிடம் காக்க காக்க, விண்ணைத்தாண்டி வருவாயா போன்ற படங்களில் அவரிடம் உதவி இயக்குனராக பணியாற்றி உள்ளார்.