வெளிநாட்டு ரிலீசிலும் போட்டி போடும் வாரிசு – துணிவு
விஜய்யின் வாரிசு, அஜித்தின் துணிவு ஆகிய இரண்டு படங்களும் வருகிற பொங்கல் தினத்தில் திரைக்கு வருகின்றன. இதன் காரணமாக தமிழகத்தில் மல்டிபிளக்ஸ் தியேட்டர்களை கைப்பற்றுவதில் இந்த படங்களை வெளியிடும் நிறுவனங்களுக்கு இடையே பலத்த போட்டி நடந்து கொண்டிருக்கிறது. இப்படியான நிலைகளில் விஜய்யின் வாரிசு படத்தையும் வெளிநாடுகளில் அதிகமான தியேட்டர்கள் வெளியிட திட்டமிட்டு வருகிறார்கள். இந்த நேரத்தில் அஜித் நடித்துள்ள துணிவு படத்தின் வெளிநாட்டு உரிமையை பெற்றுள்ள லைகா நிறுவனமும் வெளிநாடுகளில் அதிகப்படியான தியேட்டர்களில் துணிவு படத்தை வெளியிடும் முயற்சியில் ஈடுபட்டிருக்கிறது. அதோடு விஜய், அஜித்தின் படங்கள் வெளிநாடுகளில் ஒரே நாளில் ரிலீசாக இருப்பதால் தமிழ்நாட்டை போலவே வெளிநாடுகளிலும் இந்த இரண்டு படங்களுக்கும் இடையே முக்கிய தியேட்டர்களை கைப்பற்றுவதில் போட்டி ஏற்பட்டுள்ளது.