AK62: எதிர்பார்த்த மாதிரியே செய்த அஜித்: ஏ.கே. 62 ரசிகர்களுக்கு ஒரு குட் நியூஸ்

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
துணிவு படத்தை அடுத்து அஜித் குமார் நடிக்கவிருக்கும் ஏ.கே. 62 பற்றி தான் சமூக வலைதளங்களில் அதிகம் பேசப்படுகிறது. அதிகாரப்பூர்வ அறிவிப்பு வெளியிட்டு ஓராண்டாகிவிட்டது. ஆனால் இன்னும் பட வேலை துவங்கவில்லை.

இதற்கிடையே விக்னேஷ் சிவனை மாற்றிவிட்டு மகிழ்திருமேனியை ஒப்பந்தம் செய்தார்கள். அஜித் படத்தை மகிழ்திருமேனி தான் இயக்கவிருக்கிறார் என்று இதுவரை அதிகாரப்பூர்வ அறிவிப்பு வெளியிடவில்லை. இந்நிலையில் தான் அடுத்த மாதம் நல்ல செய்தி வரும் என ஏ.கே. 62 படத்தை தயாரிக்கும் லைகா நிறுவன தரப்பில் தெரிவிக்கப்பட்டுள்ளது.

Ajith: அஜித்தால் மகிழ்திருமேனி எஸ்கேப்: ஏப்ரலில் வரும் அறிவிப்பு

அஜித்தின் அப்பா சுப்ரமணியம் மார்ச் 24ம் தேதி காலை மரணம் அடைந்தார். அப்பா இறந்த சோகத்தில் இருக்கும் அஜித்தை தொந்தரவு செய்யக் கூடாது. அதனால் அவராக சொல்லும்வரை படப்பிடிப்பை துவங்கக் கூடாது என லைகா முடிவு செய்ததாக கூறப்பட்டது.

அப்பா இறந்துவிட்டாலும் தன்னால் யாருக்கும் எந்த தொந்தரவும் ஏற்படக் கூடாது என நினைப்பவர் அஜித். அதனால் அவர் நிச்சயம் விரைவில் படப்பிடிப்பை துவங்கச் சொல்வார் பாருங்களேன் என்றார்கள் ரசிகர்கள்.

இந்நிலையில் தான் ரசிகர்கள் சொன்னது போன்று நடந்துவிட்டது. மே மாதம் முதல் வாரத்தில் ஏ.கே. 62 படப்பிடிப்பை துவங்கப் போகிறார்களாம். அந்த படத்திற்கு அனிருத் இசையமைக்கிறார்.

அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்

விக்னேஷ் சிவனின் நண்பர் என்பதால் அவரை நீக்கியதும் அனிருத்தும் விலகிவிட்டார் என்று கூறப்பட்டது. ஆனால் அனிருத் அப்படி எதுவும் செய்யவில்லையாம்.

ஏ.கே. 62 படத்திற்கு நீரவ் ஷா ஒளிப்பதிவு செய்கிறார். துணிவு படத்தை விட இந்த படத்தில் ஆக்ஷன் காட்சிகள் தூக்கலாக இருக்க வேண்டும் என மகிழ்திருமேனியிடம் கூறியிருக்கிறாராம் அஜித். அதனால் ஒவ்வொரு காட்சியையும் செதுக்கிக் கொண்டிருக்கிறாராம் மகிழ்திருமேனி.

AK62:ஏ.கே. 62க்காக மகிழ் திருமேனிக்கு கிடைத்த லைஃப் டைம் செட்டில்மென்ட்: கோடி கோடியா கொட்டுதே

சிறு பட்ஜெட் படங்களை இயக்கி வந்த மகிழ்திருமேனிக்கு ஏ.கே. 62 படத்திற்காக ரூ. 10 கோடி சம்பளம் கொடுக்க லைகா நிறுவனம் முடிவு செய்துள்ளதாம். அவரின் கெரியரிலேயே முதல் முறையாக கோடிகளில் சம்பளம் வாங்குகிறார்.

இது தான்யா லைஃப்டைம் செட்டில்மென்ட் என்கிறார்கள் ரசிகர்கள். முன்னதாக ஏ.கே. 62 படத்தில் இருந்து விக்னேஷ் சிவனை நீக்கியதும் விஷ்ணுவர்தனை ஒப்பந்தம் செய்ய விரும்பினாராம் அஜித் குமார். ஆனால் அவர் 2 பாலிவுட் படங்கள், ஆகாஷ் முரளியின் படத்தில் கமிட்டாகிவிட்டதால் இப்போதைக்கு முடியாது தல என்று கூறிவிட்டாராம்.

ஏ.கே. 62 பட வாய்ப்பு போனாலும் ஏ.கே. 63 படத்தை விஷ்ணுவர்தன் இயக்கும் வாய்ப்பு அதிகம் என கோடம்பாக்கத்தில் கூறுகிறார்கள்.

கடந்த சில ஆண்டுகளாக அஜித் ஒரு இயக்குநரின் படத்தில் கமிட்டானால் அவருக்கு தொடர்ந்து தன் படங்களை இயக்கும் வாய்ப்பு கொடுத்து வருகிறார். அதனால் அஜித் படத்தை மீண்டும் இயக்கும் வாய்ப்பு மகிழ்திருமேனிக்கு கிடைக்கும் என்று எதிர்பார்க்கப்படுகிறது.

அஜித் படத்தை இயக்க வேண்டும் என்பது விக்னேஷ் சிவனின் கனவாகும். அந்த கனவு நிச்சயம் ஒரு நாள் நிறைவேறும். அஜித்தே கூப்பிட்டு வாய்ப்பு கொடுப்பார். பிரபஞ்சத்தை நம்புங்கள் அன்பான இயக்குநரே என விக்னேஷ் சிவனுக்கு ரசிகர்கள் ஆறுதல் கூறி வருகிறார்கள்.

Leave a Comment

This site uses Akismet to reduce spam. Learn how your comment data is processed.