சிவகார்த்திகேயன் நடிப்பில் மிகுந்த எதிர்பார்ப்பிற்கு மத்தியில் ‘மாவீரன்’ படம் உருவாகி வருகிறது. இதன் படப்பிடிப்பு முழுவதுமாக நிறைவடைந்து தற்போது போஸ்ட் புரொடேஷன் பணிகள் மும்முரமாக நடந்து வருகிறது. இந்நிலையில் ‘மாவீரன்’ படம் குறித்து வெளியாகியுள்ள லேட்டஸ்ட் தகவல் சோஷியல் மீடியாவில் தீயாய் பரவி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சிவகார்த்திகேயன் நடிப்பில் கடைசியாக ‘பிரின்ஸ்’ படம் ரிலீசானது. தமிழ், தெலுங்கு மொழியில் அனுதீப் இயக்கத்தில் இந்தப்படம் உருவானது. மிகுந்த எதிர்பார்ப்பிற்கு மத்தியில் வெளியான ‘பிரின்ஸ்’ படம் பாக்ஸ் ஆபிஸில் படு தோல்வியை சந்தித்தது. இதனால் சிவகார்த்திகேயன் அடுத்ததாக தனது நடிப்பில் உருவாகி வரும் ‘மாவீரன்’ படத்தை மலைப்போல் நம்பி காத்திருக்கிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
டான், பிரின்ஸ் படங்களை தொடர்ந்து இந்தப்படத்தில் நடித்து வருகிறார் சிவகார்த்திகேயன். மடோன் அஸ்வின் இயக்கத்தில் இந்தப்படம் உருவாகி வருகிறது. இவரது முதல் படமாக யோகி பாபு நடிப்பில் ‘மண்டேலா’ படம் வெளியானது. வசூல் மற்றும் விமர்சனரீதியாக இந்தப்படம் அமோக வரவேற்பினை பெற்றது.
இந்நிலையில் மடோன் அஸ்வினின் இரண்டாவது படமாக ‘மாவீரன்’ உருவாகி வருகிறது. இதன் படப்பிடிப்பு கடந்த சில மாதங்களாகவே மும்முரமாக நடந்து வந்த நிலையில் அண்மையில் இதன் ஷுட்டிங் முழுமையாக நிறைவடைந்தது. சாந்தி டாக்கீஸ் நிறுவனம் தயாரிப்பில் உருவாகியுள்ள இந்தப்படத்தின் போஸ்ட் புரொடேஷன் பணிகள் தற்போது தீவிரமாக நடந்து வருகிறது.
Karthi: கார்த்தியின் ‘ஜப்பான்’ பட கதை இந்த உண்மை சம்பவமா.?: அப்போ தரமா இருக்குமே..!
இந்நிலையில் ‘மாவீரன்’ படத்தின் லேட்டஸ்ட் அப்டேட் வெளியாகியுள்ளது. அதன்படி இந்தப்படத்தின் டப்பிங் பணிகளை முழுமையாக நிறைவு செய்துள்ளார் சிவகார்த்திகேயன். ‘மாவீரன்’ படத்தில் சிவகார்த்திகேயன் ஜோடியாக அதிதி ஷங்கர் நடித்து வருகிறார். மேலும் பிரபல இயக்குனர் மிஷ்கின், சரிதா, யோகி பாபு உள்ளிட்டோர் இந்தப்படத்தில் நடித்து வருகின்றனர்.
சிவகார்த்திகேயனின் அடுத்த படமான ‘எஸ்கே 21’ படத்தை ராஜ்குமார் பெரியசாமி இயக்கி வருகிறார். உலக நாயகனின் ராஜ்கமல் பிலிம்ஸ் தயாரிப்பில் உருவாகி வரும் இந்தப்படத்தில் சாய் பல்லவி கதாநாயகியாக நடித்து வருகிறார். சிவகார்த்திகேயனின் ‘மாவீரன்’ படம் ஜுலை 14 ஆம் தேதி ரிலீசாகவுள்ளது குறிப்பிடத்தக்கது.
Kanguva: ‘கங்குவா’ சில காட்சிகளை பார்த்தேன்.. மிரட்டலா வந்துருக்கு: பிரபலம் பகிர்ந்த மாஸ் தகவல்.!