கோலிவுட் சினிமாவே பெரிதும் எதிர்பார்க்கும் படமாக ‘ஜெயிலர்’ உருவாகியுள்ளது. நெல்சன் திலீப்குமார் இயக்கத்தில் உருவாகியுள்ள இதன் முதல் மற்றும் இரண்டாம் சிங்கிள்கள் வெளியாகி ரசிகர்கள் மத்தியில் வரவேற்பை பெற்றுள்ளன. இதனையடுத்து விரைவில் ‘ஜெயிலர்’ படத்தின் ஆடியோ லான்ச் பிரம்மாண்டமாக நடைபெறவிருக்கிறது. இந்நிலையில் இந்தப்படத்தின் மூன்றாவது சிங்கிள் குறித்த அதிரடி அப்டேட் வெளியாகியுள்ளது.
‘ஜெயிலர்’ படத்தினுடைய முதல் அப்டேட்டாக ‘காவாலா’ என்ற பர்ஸ்ட் சிங்கிளை வெளியிட்டனர் படக்குழுவினர். தமன்னாவின் துள்ளலான ஆட்டத்தில் அனிருத்தின் இசையில் வெளியானது இந்தப்பாடல். ரசிகர்கள் மத்தியில் அமோக வரவேற்பை பெற்ற ‘காவாலா’ பாடலுக்கு தொடர்ச்சியாக ரசிகர்கள் வைப் செய்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அத்துடன் பலரும் இந்தப்பாடலுக்கு ரீல்ஸ் செய்து வருகின்றனர். இதனால் டிரெண்டிங்கில் கலக்கி வருகிறது ‘காவாலா’ பாடல். இதனையடுத்து செகண்ட் சிங்கிளாக ‘ஹுக்கும்’ பாடல் வெளியானது. ரஜினி தான் என்றுமே சூப்பர் ஸ்டார் என்பதை உறுதி செய்வதை போன்று இந்தப்பாடலின் வரிகள் எழுதப்பட்டிருந்தது. ரஜினியின் தீவிர ரசிகரான சூப்பர் சுப்பு என்பவர் எழுதியிருந்த ‘ஹுக்கும்’ பாடல் பல்வேறு சர்ச்சைகளை கிளப்பியது.
ஆனாலும் இந்தப்பாடலுக்கான ரசிகர்களின் வரவேற்புக்கும் குறைவே ஏற்படவில்லை. இந்நிலையில் மூன்றாவது சிங்கிள் குறித்த அதிரடி அறிவிப்பு தற்போது வெளியாகவுள்ளது. அதன்படி ‘ஜூஜூபி’ என துவங்கும் இந்தப்பாடல் நாளை மாலை 6 மணிக்கு வெளியாகவுள்ளதாக சன் பிக்சர்ஸ் நிறுவனம் அறிவித்துள்ளது. அனிருத் இசையில் சூப்பர் சுப்பு எழுதியுள்ள இந்தப்பாடலை தீ பாடியுள்ளார்.
‘விடுதலை 2’ படத்தில் விஜய் சேதுபதி ஜோடியாகும் ‘அசுரன்’ நடிகை: வெற்றிமாறன் அதிரடி.!
இந்த மூன்றாவது சிங்கிள் அறிவிப்பிற்காக வெளியிடப்பட்டுள்ள போஸ்டரில் இரத்தம் தெறிக்க ஒரு பட்டா கத்தி உள்ளது. ‘ஜெயிலர்’ முழுக்க முழுக்க ஒரு ஆக்ஷன் படம் என்று ஏற்கனவே வெளியான தகவலை உறுதி செய்யும் விதமாக இந்த போஸ்டர் அமைந்துள்ளது. இதனை ரஜினி ரசிகர்கள் கொண்டாடி வருகின்றனர். ‘ஹுக்கும்’ பாடலை போன்றே இந்த ‘ஜூஜூபி’ பாடலும் வேறலெவலில் இருக்கும் என ரசிகர்கள் எதிர்பார்க்கின்றனர்.
‘ஜெயிலர்’ படத்தின் ஆடியோ லான்ச் வரும் 28 ஆம் தேதி நேரு உள் விளையாட்டு அரங்கில் பிரம்மாண்டமாக நடைபெறவுள்ளது. இந்நிகழ்ச்சியில் மலையாள பிரபலம் மோகன்லால், கன்னட சூப்பர் ஸ்டார் சிவராஜ்குமார் உள்ளிட்டோர் கலந்து கொள்ளவிருப்பதாக கூறப்படுகிறது. நெல்சன் திலீப்குமார் இயக்கத்தில் மிகுந்த எதிர்பார்ப்பிற்கு மத்தியில் உருவாகியுள்ள ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
Captain Miller: ஹாலிவுட் தரத்தில்.. கேப்டன் மில்லரில் மிரட்ட போகும் தனுஷ்: வெறித்தனமான தகவல்.!