இயக்குனர் அட்லி பிரம்மாண்ட இயக்குனரான ஷங்கருடன் துணை இயக்குனராக பணியாற்றினார். அதனைத் தொடர்ந்து நடிகர் ஆர்யா, ஜெய், நயன்தாரா, நஸ்ரியா உள்ளிட்டோரை வைத்து ராஜா ராணி படத்தை இயக்கி தமிழ் திரையுலகில் இயக்குனராக தடம் பதித்தார். அவரின் முதல் படமான ராஜா ராணி படம் நல்ல வரவேற்பை பெற்றது.
இயக்குனர் அட்லி
கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்
அடுத்ததாக, தளபதி விஜயை வைத்து தெறி, பிகில், மெர்சல் போன்ற படங்களை இயக்கினார் இயக்குனர் அட்லி. இந்த மூன்று படங்களுமே நல்ல வரவேற்பையும் வெற்றியையும் வசூலயும் கொடுத்தது. ஜவான் படம் குறித்த பேச்சுவார்த்தை கடந்த 2019ல் தொடங்கப்பட்டது. நடிகர் ஷாருக்கான், நயன்தாரா, விஜய் சேதுபதி, ப்ரியாமணி என பலர் நடிப்பில் மிகவும் மாஸான படமாக உருவாகி இருக்கிறது ஜவான் திரைப்படம். இந்த படம் கடந்த 7ஆம் தேதி தியேட்டர்களில் வெளியானது. ரிலீசான இரண்டு நாட்களிலேயே மிகப்பெரிய தொகையை வசூல் செய்ததாக தகவல் வெளியாகியுள்ளது.
நல்ல வரவேற்பை பெற்று வரும் ஜவான்
இந்த ஜவான் படத்தின் மூலம், ஜவான் படத்தின் முக்கிய தூண்களான இயக்குனர் அட்லி, கதாநாயகி நயன்தாரா, இசையமைப்பாளர் அனிருத் என மூவருமே ஹிந்தி திரையுலகில் அறிமுகமாகி இருக்கிறார்கள். அறிமுகமான முதல் படத்திலேயே மூவருக்குமே நல்ல வரவேற்பும் அங்கீகாரமும் கிடைத்துள்ளது.
ஜவான் படத்தை ரிஜெக்ட் செய்தாரா சமந்தா ?? காரணம் இதோ !
கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்
இயக்குனர் அட்லி தமிழில் மட்டுமே படங்களை இயக்கி வந்த நிலையில் ஜவான் திரைப்படம் தமிழ், தெலுங்கு மற்றும் ஹிந்தி மொழிகளில் வெளியாகியுள்ளது. இந்நிலையில், முழுக்க முழுக்க தெலுங்கு மொழியில் படம் செய்ய போவதாகவும், அதற்கான ஹீரோவையும் முடிவு செய்துவிட்டதாகவும் இயக்குனர் அட்லி சமீபத்தில் கூறியிருக்கிறார்.
இந்த முறை 9 மணிக்கு இல்லை .. கொஞ்சம் லேட்டா வராரு பிக் பாஸ்.. எப்போ தெரியுமா ??
புஷ்பா படத்திற்காக சிறந்த நடிகருக்கான தேசிய விருதை வாங்கிய நடிகர் அல்லு அர்ஜுன் இப்போது புஷ்பா படத்தின் இரண்டாவது பாகத்தில் நடித்து வருகிறார். இந்த படம் அடுத்தாண்டு வெளியாகும் என எதிர்பார்க்கப்படுகிறது. தெலுங்கு திரையுலகில் சிறந்த நடிகருக்கான தேசிய விருதை வாங்கிய முதல் நடிகர் என்னும் பெருமைக்கு உரியவர் நடிகர் அல்லு அர்ஜுன் என்பது குறிப்பிடத்தக்கது.
அட்லியின் அடுத்த ஹீரோ
இயக்குனர் அட்லியின் அடுத்த படத்திற்கான ஹீரோ அல்லு அர்ஜுன் தான். அட்லீ இவரிடம் கதையை கூறியிருக்கிறார். அதுமட்டுமல்லாமல் இந்த புது கூட்டணி புது படம் குறித்து பேச்சுவார்த்தை நடத்தி வருகிறார்களாம். மேலும், இந்த படத்திற்கு அனிருத் இசையமைக்க அதிக வாய்ப்பிருப்பதாக தெரிகிறது. அந்த வகையில், இயக்குனர் அட்லி , நடிகர் அல்லு அர்ஜுன், இசையமைப்பாளர் அனிருத்தின் கம்போவை கூடிய விரைவில் எதிர்பார்க்கலாம் எனத் தெரிகிறது. அப்படி இது முடிவானால் AAA கூட்டணியாக செயல்படும். இந்த தெலுங்கு படத்தின் மூலம் தெலுங்கு சினிமாவிலும் இயக்குனராக அட்லி தடம் பதிக்கிறார்.
Guest Author : Radhika Nedunchezhian