‘துணிவு’ படத்தை முடித்துவிட்டு லண்டனுக்கு சென்றார் நடிகர் அஜித். அங்கிருந்து தற்போது போர்ச்சுக்கல் நாட்டிற்கு சுற்றுப்பயணம் மேற்கொண்டுள்ளார். அங்குள்ள அஜித்தை ரசிகர்கள் சந்தித்து புகைப்படம் எடுத்துள்ளனர். இந்த புகைப்படங்கள் தற்போது சோஷியல் மீடியாவில் வைரலாகி வருகிறது.
கடந்த ஜனவரி அஜித்தின் ‘துணிவு’ படம் வெளியாகி ரசிகர்கள் மத்தியில் அமோக வரவேற்பை பெற்று வருகிறது. அஜித் தொடர்ச்சியாக மூன்று முறையாக எச். வினோத்துடன் இணைந்து பணியாற்றியுள்ளார். இந்தப்படம் பாக்ஸ் ஆபிசில் 250 கோடிக்கு மேல் வசூல் சாதனை படைத்து வருவதாக கூறப்படுகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அஜித்தின் அடுத்த படமான ’ஏகே 62’ படத்தை விக்னேஷ் சிவன் இயக்கவிருந்த நிலையில் தற்போது அந்தப்படத்திலிருந்து விக்கி விலகியுள்ளதாக கூறப்படுகிறது. அவருக்கு பதிலாக மகிழ் திருமேனி ‘ஏகே 62’ படத்தை இயக்கவுள்ளதாகவும், சந்தோஷ் நாராயணம் இசையமைக்கவுள்ளதாகவும் இணையத்தில் செய்திகள் பரவி வருகிறது. விரைவில் இதுக்குறித்த அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.
இந்நிலையில் ஸ்காட்லாந்து நாட்டில் சுற்றுப்பயணம் மேற்கொண்டு வரும் அஜித்தை தனது நண்பர்களுடன் சந்தித்தது குறித்து நெட்டிசன் ஒருவர் பதிவு ஒன்றை பகிர்ந்துள்ளார். அதில், நாங்கள் சென்ற போது அவர் கோஸ்டா காபி கடையில் டீ குடித்துக் கொண்டிருப்பதை கண்டுபிடித்தோம். எங்களை பார்த்து அவர் தலையை ஆட்டி உள்ளே அழைத்தார். நான் அவரிடம் சென்று “நல்லா இருக்கிங்களா? தல” என்று கேட்டேன். அவர் “நல்லா இருக்கேன் பா. நீங்க நல்லா இருக்கீங்களா? எந்த ஊரு இங்க என்ன பண்றீங்க?” என்று கேட்டார். நான், “நல்லா இருக்கேன் தல. நான் தஞ்சாவூர்” என்றேன்.
Dada Movie: பாசிட்டிவ் விமர்சனங்களை குவிக்கும் ‘டாடா’: கொண்டாட்டத்தில் பிக்பாஸ் கவின்.!
அதன்பின்னர், “வெளியே புகைப்படம் எடுத்த போது, அவரு மேனேஜர் 1 போட்டோ தான் எடுத்தாரு. தல அதுக்கு நிறையா எடுங்கன்னு சொன்னாரு. நான் அவர்ட்ட நம்ம ஊருலாம் விட்டு இவளோ தூரம் தள்ளி உங்கள பாக்குற சான்ஸ் கிடச்சிருக்கு சோன்னேன். அதுக்கு ஒரு சிரிப்பு சிரிச்சாரு. கடைசியா போட்டோ எடுத்துட்டு அப்டேட் இருக்கா தலனு கேட்டேன். எனக்கு கொஞ்சம் ஓய்வு தேவைப்படுதுன்னு சொன்னாரு.
Leo, Trisha: ‘லியோ’ படத்திலிருந்து விலகியதாக பரவிய வதந்தி: திரிஷா செய்த காரியம்.!
துணிவு நல்லா இருந்துச்சு தல. கிளைமாக்ஸ் அந்த மாஸ்க் போட்டு நடந்து வர்றது செம மாஸ்னு சொன்னேன். அதுக்கு அவரு நல்லா இருந்துச்சா தேங்க்ஸ்பான்னு சொன்னாரு. கடைசியா போறப்ப கைக்கொடுத்து நல்லா படிங்க பெஸ்ட் ஆஃப் லக்னு சொல்லிட்டு தம்ஸ் அப் பண்ணிட்டு போனார். நேருல பார்க்க அவளோ அழகா இருந்தாரு” என பதிவிட்டுள்ளார். அவரின் இந்த பதிவு தற்போது சோஷியல் மீடியாவில் வைரலாகி வருகிறது.