நம்மிடையே இன்ஸ்டாவில் களமாடுபவர்கள் ஏராளம். ரீல்ஸ், படங்கள், நேரலை என மக்கள் தங்களுக்கு தெரிந்த வித்தைகளை எல்லாம் இன்ஸ்டா மூலம் உலகிற்கு காட்ட முயற்சிக்கின்றனர். ஆனால், இதற்காக நேரத்தை ஒதுக்கும் கிரியேட்டர்களுக்கு பெரிதாக எந்த வருமானமும் இல்லாமல் இருந்தது.
இதே கதி எனக் கிடக்கும் சில கிரியேட்டர்களின் மனநிலையைப் புரிந்துகொண்ட மெட்டா நிறுவனம், தனது
இன்ஸ்டாகிராம்
தளத்தில் உள்ள கிரியேட்டர்களுக்கு ஊக்கம் அளிக்கும் விதமாக புதிய வசதியை அறிமுகம் செய்வதாக தெரிவித்தது.
அதன்படி, கடந்த ஜனவரி மாதம் இந்த வசதி அமெரிக்காவில் உள்ள சில இன்ஸ்டாகிராம் கிரியேட்டர் கணக்குகளில் சோதனை செய்யப்பட்டது. இந்த வசதியின் மூலம் கிரியேட்டர்கள் தங்களின் பிரத்யேக வீடியோக்களை, பின்தொடருபவர்கள் பார்ப்பதற்கு பணம் வசூலிக்க முடியும்.
அந்த மாதிரி படங்களை மறைக்கும் ஆப்பிள்!
இன்ஸ்டாகிராமில் புதிய பட்டன்
இதற்காக அவர்களுக்கு ‘Subscribe’ பட்டன் வழங்கப்படும். மாத சந்தா மூலம் இந்த சேவையை ஃபாலோவர்ஸுக்கு கிரியேட்டர்கள் வழங்க முடியும். இதற்காக சந்தா செலுத்திய பயனாளர்களுக்கு பேட்ஜ் வழங்கப்படும். அது அவர்கள் கணக்கின் முகப்பு பக்கத்தில் தோன்றும்.
இந்த சேவையை பெறும் பயனாளர்களுக்கு கிரியேட்டர்கள் கணக்கின் பிரத்யேக அணுகல் கிடைக்கும். அதாவது, சாதாரணமாக பிந்தொடருபவர்கள் பார்க்கும் கண்டெண்டுகள் மட்டுமல்லாது, பிரத்யேகமாக எடுக்கப்படும் கண்டெண்டுகள், நேரலைகள் அனைத்தையும் பயனர்கள் பார்க்க முடியும்.
இன்ஸ்டா பயனாளர்கள், ஆப் ஸ்டோர் அல்லது ப்ளே ஸ்டோர் மூலம் பிடித்த கிரியேட்டர்களுக்கு மாத சந்தா செலுத்தலாம். இந்தியாவில் இதன் விலை மாதத்திற்கு ரூ.89, ரூ.440, ரூ.890 ஆக நிர்ணயம் செய்யப்பட்டுள்ளதாகக் கூறப்படுகிறது. அமெரிக்காவில் இதன் விலை மாதத்திற்கு $0.99 டாலர் முதல் $99.99 டாலர் வரை இருக்கும் எனத் தெரிவிக்கப்பட்டுள்ளது.
வருவாயை ஈட்ட வழிவகுக்கும் சமூக வலைத்தளங்கள்
இன்ஸ்டாகிராம், ட்விட்டர் போன்ற தளங்கள் தங்கள் கிரியேட்டர்கள் வாழ
வழிவகை செய்து வருகிறது. இதுபோன்ற செயல்பாடுகளால் இன்னும் தரமான கண்டெண்டுகள் தளத்திற்குள் வரும் என்றும், இதனால் கூடுதல் வளர்ச்சியை பெற முடியும் எனவும் நிறுவனங்கள் திட்டமிட்டுள்ளது.
கடந்த ஆண்டு, ட்விட்டர் தளம் ‘ஸ்பேசஸ்’ எனும் ஆன்லைன் நேரலை போட்காஸ்ட் வசதியை அறிமுகம் செய்தது. தற்போது, இந்த சேவையில் ‘Ticket’ எனும் அம்சத்தை நிறுவியுள்ளது. அதன்படி, நேரலையில் இணைய விரும்பும் பயனர்கள் பணத்தை செலுத்தி டிக்கெட்டைப் பெற்றுக் கொள்ள வேண்டும். அப்படி பெற்றுக் கொண்டால் தான் அவர்களால் அந்த நேரலையில் தங்களை இணைத்துக் கொள்ள முடியும்.
பெரும்பாலான மக்களால் பயன்படுத்தப்படும் மெட்டா நிறுவனத்தின் வாட்ஸ்அப் குறுஞ்செய்தித் தளமும் இதுபோன்ற சந்தா திட்டத்தை அறிமுகப்படுத்த உள்ளதாகத் தகவல்கள் வெளியாகி உள்ளன. தவிர்க்க முடியாத செயலிகள் என்ற பட்டியலில் இடம்பெற்றுள்ள இதுபோன்ற தளங்கள், வருங்காலங்களில் மக்களுக்கு கூடுதல் செலவினத்தை தரும் என்பது தான் நிதர்சனமான உண்மை.
மேலதிக செய்திகள்:
தியேட்டர் அனுபவத்திற்கு ரெடியா – விரைவில் வெளியாகும் புதிய சியோமி ஸ்மார்ட் டிவி!
கூகுள் போட்ட தடை! இனி Android போன்களில் இதை செய்ய முடியாது!
வெறும் 200 ரூபாய்க்கு 14 OTT தளங்கள் – ஜியோ அறிவித்த அதிரடி திட்டம்!
இன்ஸ்டாகிராமின் புதிய வசதியை குறித்து நீங்கள் என்ன நினைக்கிறீர்கள்… கீழே உள்ள கருத்துப் பெட்டியில் பதிவிடுங்கள்