தியேட்டர் அனுபவத்திற்கு ரெடியா – விரைவில் வெளியாகும் புதிய சியோமி ஸ்மார்ட் டிவி!

சாம்சங், எல்ஜி, சோனி, பிபிஎல் என மக்களின் மனதில் நீங்கா இடம்பிடித்திருந்த டிவி பிராண்டுகளை ஓரம் தள்ளும் வகையில், சீனாவின்
சியோமி
நிறுவனம் தனது புதிய தயாரிப்புகளை இந்திய சந்தையில் அறிமுகம் செய்தது. ஸ்மார்ட் டிவி என்றால் என்ன என்றே தெரியாமல் இருந்த மக்களுக்கு, அசாத்திய விலையுடன் ஆண்ட்ராய்டு டிவிக்களை சியோமி அறிமுகப்படுத்தியது.

குறைந்த விலை, அதிகபடியான அம்சங்கள், பெரிய திரை என சியோமி நிறுவனம் பயனர்களுக்கு அறிமுகம் செய்த டிவிக்கள், அவர்களை தியேட்டர் தரத்திலான அனுபவத்திற்கு எடுத்துச் சென்றது. மார்க்கெட்டில் புதுமையை காட்டிய சியோமியைத் தொடர்ந்து பல ஸ்மார்ட்போன் நிறுவனங்களும் டிவி தயாரிப்பில் இறங்கின. அனைத்துமே சக்சஸ் தான்.

இந்த சூழலில், மக்களால் அதிகம் விரும்பப்பட்ட Mi Smart TV 4A மாடலின் மேம்பட்ட பதிப்பை நிறுவனம் இந்தியாவில் அறிமுகம் செய்ய உள்ளது.
Xiaomi Smart TV 5A
என்று பெயரிடப்பட்டுள்ள இந்த டிவி ஏப்ரல் 27ஆம் தேதி இந்திய சந்தையில் அறிமுகம் செய்யப்படுகிறது.

இந்த டிவி உடன் பயனர்கள் பெரிதும் எதிர்பார்த்து காத்திருக்கும் சியோமி 12 புரோ 5ஜி ஸ்மார்ட்போன், சியோமி பேட் 5 டேப்லெட் என பிற தயாரிப்புகளையும் நிறுவனம் அறிமுகம் செய்கிறது. எனவே, சியோமி திருவிழாவை எதிர்பார்த்துக் காத்திருக்கும் நீங்கள், முதலில் புதிய ஸ்மார்ட் டிவி குறித்த விவரங்களை அறிந்து கொள்ளுங்கள்.

mi service app: போன் பழுது முதல் 24×7 ஆதரவு வரை… Xiaomi Service plus செயலி அறிமுகம்

சியோமி ஸ்மார்ட் டிவி 5ஏ அம்சங்கள் (Xiaomi Smart TV 5A Specifications )

நிறுவனம் டிவி குறித்த தகவல்களை வெளியிடவில்லை என்றாலும், சில உறுதிபடுத்தப்பட்ட தகவல்கள் மட்டும் நமக்கு கிடைத்துள்ளது. அதன்படி, டிவி ஆண்ட்ராய்டு 11 இயங்குதளத்துடன் வரும் என்று தெரியவந்துள்ளது. மேலும், A55 புராசஸர் கொண்டு டிவி இயக்கப்படும் எனவும் 2ஜிபி ரேம் மற்றும் 16ஜிபி ஸ்டேரேஜ் மெமரியுடன் வெளியாகலாம் எனவும்க் கூறப்படுகிறது.

அதுமட்டும் இல்லாமல், பழைய 4ஏ டிவியை போலல்லாமல், குறைந்த திரை சட்டங்களே இதன் வடிவமைப்பில் பயன்படுத்தப்பட்டிருக்கிறது. மேம்படுத்தப்பட்ட Vivid Picture Engine திரையின் தெளிவுத் திறனுக்காக நிறுவப்பட்டிருக்கும். சியோமியின் நன்மதிப்பைப் பெற்ற PatchWall UI இந்த டிவியை இயக்கும் என்று தகவல்கள் தெரிவிக்கின்றன. டால்பி அட்மாஸ் சவுண்ட், வைஃபை, ப்ளூடூத் போன்ற இணைப்பு ஆதரவினையும் இந்த டிவி பெறும்.

சியோமி 12 புரோ அம்சங்கள்
(Xiaomi 12 Pro 5G Specifications)

இதே தினத்தில் வெளியாகும் சியோமி பிளாக்‌ஷிப் ஸ்மார்ட்போனில், 2K 120 ஹெர்ட்ஸ் ரெப்ரெஷ் ரேட் கொண்ட AMOLED டிஸ்ப்ளே, குவால்காம் Snapdragon 8 Gen 1 சிப்செட், 50MP மெகாபிக்சல் கொண்ட மூன்று பின்பக்க OIS கேமரா போன்ற சிறப்பம்சங்கள் உள்ளன. ஆண்ட்ராய்டு 12 இயங்குதளத்துடன் இந்த ஸ்மார்ட்போன் இயக்கப்படுகிறது.

சியோமி பேட் 5 அம்சங்கள்
(Xiaomi PAD 5 Specifications)

பயனர்களின் எதிர்பார்ப்பை தூண்டிவிட்டுள்ள சியோமியின் டேப்லெட்டும் இதே தினத்தில் அறிமுகம் செய்யப்படுகிறது. இதில், 2.5K 120Hz ரெப்ரெஷ் ரேட் கொண்ட டிஸ்ப்ளே, ஸ்னாப்டிராகன் 860 சிப்செட், ஆண்ட்ராய்டு 11 அடிப்படையிலான MIUI 12.5 இயங்குதளம், பெரிய 8720mAh பேட்டரி போன்ற சிறப்பசங்கள் உள்ளன.

மேலதிக செய்திகள்:
கழிப்பறையை விட போனில் அதிகளவு கருமிகள் – இன்பினிக்ஸ் Smart 6 அளித்த தீர்வு!பம்பர் தள்ளுபடி! மலிவு விலையில் சிறந்த 50 இன்ச் ஸ்மார்ட் டிவிக்கள்!அந்த மாதிரி படங்களை மறைக்கும் ஆப்பிள்!

Leave a Comment

This site uses Akismet to reduce spam. Learn how your comment data is processed.