Nothing Phone 1: ஒன்பிளஸ் நிறுவனத்தின் இணை நிறுவனரான கார்ல் பெய், 2021 ஆம் ஆண்டில் புதிய டெக் நிறுவனத்தைத் தொடங்கினார். தொடர்ந்து நிறுவனத்தின் முதல் தயாரிப்பாக நத்திங் இயர் (1) ட்ரூ வயர்லெஸ் இயர்பட்ஸ் அறிமுகம் செய்யப்பட்டது. தற்போது நிறுவனம் நத்திங் போன் (1) எனும் புதிய ஸ்மார்ட்போனை வெளியிட தயாராகி வருகிறது.
இது தொடர்பாக பல வதந்திகள் உலாவி வந்தாலும், இந்த வருடம் நிறுவனத்தின் நேரலை நிகழ்வில் நத்திங் போன் குறித்த டீஸ் வெளியிடப்பட்டது. ஆனாலும், போன் எப்போது வெளியாகும் என்று கார்ல் பெய் கூற மறுத்தார்.
WWDC 2022: வெளியாகும் ஆப்பிள் தயாரிப்புகளின் பட்டியல்!
எனினும், நத்திங் போன் குறித்து பல தகவல்கள் வெளியாகிவந்தன. இதற்கிடையில், நத்திங் ஓஎஸ் லாஞ்சரை நிறுவனம் வெளியிட்டது. மிகவும் லைட்டான இந்த ஸ்கின், பெரும்பாலான அனைத்து போன்களிலும் ஆதரவு அளிக்கும் வகையில் உருவாக்கப்பட்டது.
ஒரு முன்னோட்டமாக இது வெளியிடப்பட்டாலும், நாம் நத்திங் ஓஎஸ் ஸ்கின்னை சோதனைக்கு உட்படுத்தியபோது, ஒரு புதுவிதமான அனுபவத்தை அளித்தது. சில குறைகள் இருந்தாலும், தொடக்க காலம் என்பதால், நிறுவனம் அவ:ற்றை விரைவில் சரிசெய்யும் என்று நம்பலாம்.
Useful Apps: இந்தியர்கள் இந்த 5 செயலிகளை வைத்திருப்பது அவசியம்!
முன்னதாக பிளிப்கார்ட் தளத்தில் Nothing Phone (1) விற்பனைக்கு கொண்டுவரப்படும் என்று கூறப்பட்டது. அதனை மெய்ப்பிக்கும் விதமாக, பிளிப்கார்ட்டில் மைக்ரோ பக்கம் திறக்கப்பட்டுள்ளது. மேலும், நத்திங் போன் (1) அம்சங்கள் குறித்தும் சில தகவல்கள் கசிந்துள்ளன. அவற்றை சற்று விரிவாகப் பார்க்கலாம்.
நத்திங் போன் (1) அம்சங்கள் – Nothing Phone (1) Specifications
புதிய நத்திங் போன் 90Hz புதிப்பிப்பு விகிதம் கொண்ட 6.55 இன்ச் OLED முழு எச்டி+ டிஸ்ப்ளே உடன் வரலாம். இதன் பிக்சல் ரெசலியூஷன் 1080×2400 ஆக இருக்கும்.
ஆண்ட்ராய்டு 12 அடிப்படையிலான, நிறுவனத்தின் பிரத்யேக NothingOS ஸ்கின் கொண்டு நத்திங் போன் 1 இயக்கப்படும். போனானது, 8ஜிபி ரேம், 128ஜிபி ஸ்டோரேஜ் மெமரி உடன் வரலாம். இதனுடன் கூடுதலாக இன்னொரு வேரியன்டும் அறிமுகம் செய்யப்படலாம்.
Moto e32s Launch: Redmiக்கு போட்டியாக Moto E32s போன் – விலை உங்கள் சட்டை பையை காலி செய்யாது!
இந்த ஸ்மார்ட்போனில் மூன்று கேமராக்கள் கொண்ட அமைப்பு இருக்கும். அதில், முதன்மை சென்சாராக 50 மெகாபிக்சல் கேமராவும், உடன் 8 மெகாபிக்சல் சென்சாரும், கடைசியாக் 2 மெகாபிக்சல் டெரிட்டரி சென்சாரும் பிளாஷ் லைட்டுடன் வழங்கப்படலாம்.
செல்பிக்கள் எடுக்க 32 மெகாபிக்சல் கொடுக்கப்படலாம். பாஸ்ட் சார்ஜிங், வயர்லெஸ் சார்ஜிங் ஆகிய அம்சங்களுடன் 4,500mAh பேட்டரி கொடுக்கப்படும். ப்ளுடூத் 5.2, NFC ஆதரவும் இதில் இருக்கும்.
நத்திங் போன் (1) விலை – Nothing Phone (1) விலை
நத்திங் நிறுவனத்தின் ஸ்மார்ட்போன் வெளியீடு குறித்து பல தகவல்கள் வலம் வருகின்றன. எனினும், ஜூலை 21 ஆம் தேதி ஸ்மார்ட்போன் வெளியாகும் என்று எதிர்பார்க்கப்படுகிறது.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
புதிய நத்திங் ஸ்மார்ட்போன் ரூ.40,000க்கும் கீழ் வெளியாகும் என்று கூறப்படுகிறது. இது நேரடியாக ஒன்பிளஸ் நிறுவனத்தின் R சீரிஸ் ஸ்மார்ட்போன்களுடன் மோதும்.
ஒருபுறம் இப்படி இருக்க, ஆப்பிள் நிறுவனத்துடன் மட்டுமே தாங்கள் போட்டி போட விரும்புவதாக கார்ல் பெய் தெரிவித்திருந்தது நினைவுக்கூரத்தக்கது.