என்னதான் லட்டு லட்டாக ‘லியோ’ பட அப்டேட் வெளியானாலும், வேற ஏதாவது அப்டேட் இருக்கா என்றுதான் விஜய் ரசிகர்கள் கேட்டு வருகின்றனர். அந்தளவு ரசிகர்கள் மத்தியிலும், கோலிவுட் வட்டாரத்தினர் மத்தியிலும் மிகப்பெரிய எதிர்பார்ப்பினை ஏற்ற்படுத்தியுள்ளது விஜய்யின் ‘லியோ’. இந்நிலையில் இந்தப்படத்தின் அடுத்த அப்டேட்டுக்கே அப்டேட் கொடுத்து அதிர வைத்துள்ளார் தயாரிப்பாளர் லலித் குமார்.
எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழ் சினிமாவின் தற்போதைய டாப் இயக்குனர் என லோகேஷ் கனகராஜை சொல்லலாம். எனக்கிட்ட வாங்க ஒரு ஹிட் படத்துல நடிங்க என்பதை போல அடுத்தடுத்து வெற்றி படங்களை கொடுத்து கோலிவுட்டை கலக்கி வருகிறார் இவர். கடைசியாக இவர் இயக்கத்தில் வெளியான விக்ரம் பாக்ஸ் ஆபிஸில் வசூல் சாதனை படைத்து உலகநாயகன் கமலுக்கே புதிய உத்வேகத்தையும், புத்துணர்ச்சியையும் கொடுத்துள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதில் ஹைலைட்டாக கமலின் தீவிர ரசிகர் என தன்னை அடையாளப்படுத்தி சினிமாவில் நுழைந்து, அவர் நடிப்பிலே கோலிவுட் திரும்பி பார்க்கும் வெற்றியை கொடுத்துள்ளார் லோகேஷ் கனகராஜ். ‘விக்ரம்’ படத்தின் வெற்றிக்கு பிறகு தனது அடுத்த படத்தை கவனமாக இயக்கி வருகிறார் லோகேஷ். அப்படி அவர் இயக்கும் படம்தான் ‘லியோ’. மாஸ்டர் படத்திற்கு பிறகு இரண்டாவது முறையாக விஜய்யை இயக்கி வருகிறார்.
‘மாஸ்டர்’ படம் போல் இல்லாமல் தளபதியை வைத்து முழுக்க முழக்க தன்னுடைய பாணியில் ‘லியோ’ படத்தினை இயக்கி வருகிறார். அண்மையில் இதன் காஷ்மீர் படப்பிடிப்பு முழுவதுமாக நிறைவடைந்தது. இதனையடுத்து விரைவில் சென்னையில் அடுத்தக்கட்ட படப்பிடிப்பை துவங்கவுள்ளனர் படக்குழுவினர். காஷ்மீர் ஷெட்யூலின் போது ஒரு மாதத்திற்கு மேலாக படக்குழுவினர் கொட்டும் பனியில் கஷ்டப்பட்டு படப்பிடிப்பு நடத்தியது குறித்து வீடியோ ஒன்றை அண்மையில் வெளியிட்டனர்.
Dasara Review: நானியின் ‘தசரா’ படம் ஒர்த்தா.? இல்லையா.?: முழு விமர்சனம் இதோ.!
இந்த வீடியோ சோஷியல் மீடியாவில் படுவேகமாக வைரலானது. இந்நிலையில் விருது விழா ஒன்றில் கலந்துக்கொண்ட ‘லியோ’ படத்தின் தயாரிப்பாளரிடம் லலித் குமாரிடம் அடுத்த அப்டேட் எப்போது வெளியாகும் என கேட்டுள்ளனர். அவரும் அப்டேட்டுக்கு அப்டேட் கொடுக்கும் விதமாக தளபதி விஜய்யின் பிறந்தநாளான ஜுன் 22 ஆம் தேதி அடுத்த அப்டேட்டை வெளியிட திட்டமிட்டுள்ளதாக தெரிவித்துள்ளார். இதனால் விஜய் ரசிகர்கள் குஷியாகியுள்ளனர்.
‘லியோ’ படத்தில் நீண்ட இடைவேளைக்கு பிறகு விஜய், திரிஷா ஜோடி இணைந்துள்ளது. அத்துடன் கேஜிஎப் வில்லன் சஞ்சய் தத், பிரபல இயக்குனர்கள் மிஷ்கின், கெளதம் மேனன் மற்றும் அர்ஜுன், பிரியா ஆனந்த், சாண்டி, மன்சூர் அலிகான் உள்ளிட்டோர் நடிக்கின்றனர். அனிருத் இசையமைக்கும் இந்த்ப்படத்தினை செவன் ஸ்கீரின் ஸ்டுடியோ பிரம்மாண்டமாக தயாரித்து வருவது குறிப்பிடத்தக்கது.
நரிக்குறவர் சமுதாய மக்களை அனுமதிக்காத ரோகிணி தியேட்டர்: கொந்தளித்த ஜிவி பிரகாஷ்.!